Mari Kleist Ilisimatusarfimmi pro-rektorinngortoq

Ilisimatusarfimmi siulersuisut nuannaarutigingaakkaminnik Mari Kleist pro-rektoritut atorfinitsinniarlugu aalajangersimapput - Marilu atorfittaamini februaarip aallaqqaataani 2025 aallartissaaq.

Mari Kleist ukiorpaalunngortuni ilisimatusarfiit silarsuaanni misilittagaqarluartuuvoq ilisimatusarnerullu iluani aqutsinermik nukittuumik tunuliaqateqarluni. Marip piginnaasai tunniusimaneralu Ilisimatusarfiup ineriartortuarneranut pingaarutilimmik atuuffeqarumaarput.

2024-mi apriilimili Mari Kleist Ilisimatusarfiup Kulturimik, Oqaatsinik Oqaluttuarisaanermillu Ilisimatusarfiani pisortaasimavoq. Taanna instituttip pisortaatut instituttip suliatigut avatangiisaata ineriartortinneqarnerini qitiusumik inissisimaffeqarsimavoq aamma suliatigut aaqqissugaanerullu iluani siuarsaaqataasimalluni. Marip siulersuinera nunatsinni nunallu tamalaat akornanni suleqatigiinnernik pingaarutilinnik aammattaaq pilersitsisimavoq. Misilittakkani taakkua aamma ilisimatusarfiup pisariaqartitaanik unammillernartitaanillu paasisimasaqarluarnini pro-rektoritut atorfittaaminut maanna nassassavai.

Ilisimatusarfiup rektoreqarfianut Mari Kleistip tikilluaqqunissaa qilanaareqaarput. Taassuma nukittuumik misilittagaqarnera annertuumillu tunniusimanera qularnanngitsumik ilisimatusarfimmut iluaqutaangaatsiassaaq. Mari pro-rektorertaaralugu qularinngilarput Ilisimatusarfiup uummaarissutut ilisimatusarfittut ineriartornera, ilinniartut, sulisut avataanilu suleqatigisat akunnerminni suleqatigiiffiusoq, ingerlaqqikkumaartoq.

Paasissutissanik allanik pisariaqartitsissaguit ukua attaviginissaannut tikilluaqqusaangaarputit:

• Eyjólfur Guðmundsson (eyjolfur@unak.is), Ilisimatusarfiup siulersuisuisa siulittaasuat
• Gitte Adler Reimer (gitr@uni.gl), Ilisimatusarfimmi rektori