Ataqatigiissaarlutik suleqatigiit Nordlys nalliuttorsiortut

Ataqatigiissaarlutik suleqatigiit Nordlys ukioq manna ukiunik 30-nngortorsiorput - ukiorlu manna ukiumoortumik ataatsimiinneranni nalliuttorsiornermi Ilisimatusarfik soorunami peqataavoq, tamannalu Københavns Universitetimi ingerlanneqarpoq.

Nunani avannarlerni - tamatumunnga ilanngullugit nunatsinni, Savalimmiuni Islandimilu - ilisimatusarfiit akunnerminni ataqatigiissaarlutik suleqatigiit taakkua ingerlalluarput. Siunertarineqartoq tassaavoq suleqatigiinnissamut isumaqatigiissutit arlallit aqqutigalugit ilinniartut nunat avannarliit akornanni nuuttarsinnaanermikkut ilinniarnissaminnut periarfissinneqarnissaat.

Ukioq manna ataatsimeeqatigiinnermi pingaarnertut sammineqartut tassaapput nunani avannarlerni ilinniartut nuuttarsinnaanerannut periarfissaat pillugit qanoq pitsaanerpaamik tunniusimalersitsinneqarsinnaanerat qanorlu pitsaanerpaamik ilisimatitsiffigineqarsinnaanersut.

Pisut alutornarnersaat tassaavoq paasisimasallit oqallimmata, tassani ilinniartut nunanit avannarlernit tamaneersut ilinniartutut nuuttarsinnaanerminnik namminneq misigisimasatik qanorlu periarfissaq tamanna paasisimanerlugu - suullu aallarnissaminnut kajumissisitsilersimanersut - oqaluttuaraat.

Tamatuma saniatigut ilinniartut pillugit allaffissornerup digitalinngorsarneqarnera aamma sammineqarpoq. Siornatigut aamma maannakkut paarlaasseqatigiinnerni pisaatsini peqataasut misilittakkaminnik aamma avitseqatigiipput - pingaartumik nammineq ilinniartuutinik tikeraatullu ilinniartuutigisanik isumaginnittarnermut tunngatillugu.