Ilisimatusarfimmi professori nutaaq: Steven Arnfjord

Ilisimatusarfik nutaamik professorertaarpoq - taannalu ilisimaneqarluartuullunilu pingaaruteqartuuvoq: Steven Arnfjord.

Ilisimatusarfimmi ukiuni 15-ini ilinniartitsisooreerluni ilisimatusartooreerlunilu Steven maanna professoritut taaguutitaartinneqarpoq - suliatigut pitsaasumik nalilersuisoqareernerani, Ilisimatusarfimmilu Ilinniagartuut Siunnersuisoqatigiivisa akuersereerneranni tamanna pivoq.

Steven Arnfjord ukiorpassuanngortuni ilinniartitsinermut, inuiaqatigiinni oqallinnernut aamma ilisimatusarnernut annertuumik tapersiisarpoq - ilisimatusaatigalugillu suliniutigisimasai saqqummersissimasaalu arlaqartut alutornarluinnartuupput.

Suliaanilu malunnaateqarluarnerpaasimasut ilaat tassaavoq nunarput tamakkerlugu inunnik angerlarsimaffeqanngitsunik kisitsineq siullerpaaq - suliaq tamanna nunatsinni isumaginninnermik suliassaqarfiup iluani ilisimatusarnermi malitassanik pilersitsisimavoq.

Stevenip ilisimatusarfigisai siammasipput, inuppalaartumilli isiginnittaaseqarnissaq qitiutittuartarpaa - Kalaallit Nunaannilu inooqatigiinni pissutsit pineqartillugit paasissutissiinerni paaniaanernilu nipaa ersarinnerpaasarpoq.

Stevenip professorinngortinneqarnera suliatigut tunniusimalluinnarneranik nersuinerullunilu Ilisimatusarfiup nutaamik angusaqarfiuneranik ersersitsivoq.

Steven Arnfjord qamannga pisumit pilluaqqungaarparput - aasaaneranilu sulinngiffeqareertoqarnerani professoritut atorfinitsitaaneranut atatillugu oqalugiarnissaa qilanaaraarput.