Ilisimatusarneq nutaaq: ukiut 4000-it ingerlaneranni amaqqut, inuit qimmillu Kalaallit Nunaanni naapittarsimanerat ersarinnerulersinneqarpoq

Amaqqumik qanillisoqaraangat qimmit qanoq pissusilersortarpat?

Oqaluttuatoqqat naapertorlugit sooq amaroq anersaakkut piginnaasaqartutut isigineqartarpa?

Ukiut 4000-it sinnerlugit ingerlaneranni inuit, qimmit amaqqullu akornganni naapinnerit ilisimatusarnermi nutaami misissorneqarput - Saqqaq-kulturimit ullumikkut Avanersuup inui ilanngullugit.

Ilisimatusarnerup toqqammavigai atuagassiat, ilisimatusarnermit paasissutissat aammalu Kalaallisut aamma Inuktun atorlugit inuit 43-t apersorneqarnerat.

Amaroq qanoq kulturimut, piniarnermut kiisalu pinngortitamik aqutsinermut sunniuteqartarnersoq paasissutissat takutippaat - sulilu ullumikkut tamanna taamaalluni.

Nunatta Kujataani amaqqunut pullatit piniarnermi atorneqarsimasut. Assiliisoq: Arnaq Bjerge Petersen. 

Paasissutissat pingaarnerit makkuupput:

• Avanersuarmi amaroq ukiuni kingullerni inuit najugaannut qaninnerulersimapput
• Oqaluttuatoqqani amaroq inuttut imaluunniit anersaakkut atuuffeqartutut saqqummiunneqartarpoq
• Amaqqut qimuttuunngillat
• Ilisimatuussutsikkut aammalu innuttaasut ilisimasaat tunngavigalugit pilersaarusiorneq pisariaqarpoq

Allaaserisami oqaatigineqarpoq issittumi uumasunik aqutsinermut pilersaarutit nalimmassarneqartariaqartut - pinngortitap assigiinngitsuunera aammalu innuttaasut toqqissisimanissaat ataatsimut eqqarsaatigineqartariaqarmata.

Allaaserisaq tamanut ammasuunngilaq, allaaserinnittuanulli saaffiginninnikkut piumaneqarsinnaavoq.