Atuagaq pisariaqartitarput saqqummerpoq

Ilisimatuarfiup saqqummersippaa Aqqaluk Lyngip atuakkiaa ateqartoq Inuit Tumisiorlugit.

Taamanna pivoq ukiut 100 matuma siorna Knud Rasmussen-ip siulersugaanik Inuit Nunaanni ilisimasassarsiorneq nalliuttorsiutigiumallugu. Atuagaq pisariqartitarput Issittoq inuuffigisarput pillugu sukumiisumik allataq.

Atuagaq angalanilersaarutaavoq 1921-miit 1924-mut Kunuunnguup, Arnarulunnguup Qaavigarsuullu (Miteq) qimussimik angallavigisimasaat illinersiorlugu 1978-imi Aqqaluk Lynge eqqumiitsuliortorlu Jørn Mathiassen angalaqatigiissimanerannik aallaavilik. Taamanersuaq Inuit kalaaleqatitta naapitaat utoqqarsuanngorsimasut naapinneqarput oqaluttartinneqarlutillu, inerneraalu angalanilersaarut, taallanik akunnilersugaq Jørn Mathiassen-illu titartagai qalipagaalu immikkut illuinnartut assiliartaralugit.

Aamma Inuit suleqatigiilernerata oqaluttuassartaa alakkarterparput namminerpiaq sallerpaanut ilaalluni ukiorpassuarni akuusimasumit oqaluttuarineqarluni. Atuagaq atuaruminartuuvoq tamanullu saaffiginnittuulluni.

Ilisimatusarfiup pingaartippaa issittormioqatitta ilisimasaqarfiginerulernissaat, neriuutigaarpullu atuagaq siammarluarumaartoq.

• Atuagaq qeratasumik ungalulik 180-inik quppernilik

• Kalaallisut tuluttullu allataq

• Assiliartalersuisoq: Jørn Mathiassen

• Tuniniarneqarfia: Ilisimatusarfik - saaffiginnittarfik

• Akia: DKK 198,-