Innuttaasut peqqissusiannik misissuineq 2024-2026

Kalaallit Nunaanni Innuttaasut peqqissusiannik misissuinerup 2024–2026-p ingerlanneqarneranut atatillugu tapiliussatut misissuinermik naatsumik maanna suliaqartoqarpoq. Misissuineq piffissami inuiaqatigiit kalaallit immikkut ittumik tamaviaartinneqarneranni innuttaasut eqqarsartaatsimikkut peqqissusiannik aamma atugarissaarnerannik ilisimasaqalersitsissaaaq.

Tunuliaqutaq tassaavoq nunanut allanut politikkikkut massakkut pisut, amerikami præsendentip Kalaallit Nunaannik tigusiniarluni oqaaseqartarnera amerlasuunut toqqissisimannginnermik aamma ernumanermik pilersitsisimasoq. Inuiaqatigiit qanoq issusiat massakkorpiaq eqqumaffigissallugu pissutissaqarmat misissuineq ingerlanneqarpoq.  

Misissuineq apeqqutinik akisassanik ilaqarpoq, massakkut pisumi ulluinnarni inuunermi qanoq issuseq pillugu apeqqutitalinnik. Atugarissaarneq aamma ernumassutit, aamma ulluinnarni inuunermut tamanna qanoq sunniuteqarnersoq apeqqutigineqarput. Apeqqutit akisassat akineqarnerat minutsinik tallimat missaannik sivisussuseqassaaq. Kalaallit Nunaanni 15-iniit qummut ukiullit tamarmik peqataanissaannik kajumissaarneqarput.

Inerniliussat Innuttaasut peqqissusiannik misissuisinermit 2024–2026-mit massakkut ingerlanneqartumit, kiisalu siusinnerusukkut misissuinernit paasissutissanut sanilliunneqassapput.  Tamanna massakkut pisut innuttaasut eqqarsartaatsimikkut peqqissusiannut aamma atugarissaarnerannut qanoq pingaaruteqarnersoq takutitsisinnaanngussaaq. Inerniliussat immikkut ittumik tamaviaartinneqarnermi inuit, aamma ulluinnarni inuuneq qanoq sunnerneqartarnersoq pillugu eqqumaffiginninnissaq siunertaralugu Kalaallit Nunaata iluani aamma nunanut tamalaanut ingerlateqqinneqassapput. Misissuineq Ilisimatusarfik aamma Syddansk Universiteti suleqatigalugit Innuttaasut Peqqissusiannik Ilisimatusarfimmit ingerlanneqassaaq.  

Atuaruk https://tinyurl.com/7ydsd5st

Kalaallit Nunaanni Innuttaasut peqqissusiannik misissuineq 2024–2026 annertunerusumik uani paasisaqarfigineqarsinnaavoq:

https://www.uni.gl/ilisimatuutut-misissuinerit/innuttaasut-peqqissusiannik-misissuineq-2024-2026/

Oqaloqateqarnissamik pisariaqartitsinermi SMS-i, chatti imaluunniit oqarasuaat 80 11 80-i aqqutigalugit Tusaannga attaveqarfigineqarsinnaavoq. Tusaanngamut sianerneq akeqanngilaq.

Massakkut pisut innuttaasut eqqarsartaatsimikkut peqqissusiannut aamma atugarissaarnerannut qanoq sunniuteqarnerat pillugu ataatsimoorluta aallussinissatsinnik ikiortigut. Piffissami matumani immitsinnut paareqatigiissaagut.

Attaveqarfissaq: Ilisimatusarnermut ataqatigiissaarisoq Ingelise Olesen, [email protected], +299 564640.