Covid-19

Kalaallit Nunaanni Covid-19-eqarmat makku campus Ilimmarfimmi Ilinniartitsinermillu Ilisimatusarfimmi atuupput:

• Ilisimatusarfimmi tamatta akisussaaffigaarput Kalaallit Nunaanni oqartussaasut Covid-19-imut tunngatillugu malittarisassiaannik malinninnissarput.

• Kapitissimanngitsut tamarmik Ilisimatusarfimmi qanermut assiaquteqassapput.

• Sulisut kajumissaarneqarput angerlarsimallutik suleqqullugit pisortarisartik qaninneq isumaqatigiissuteqarfigeriarlugu - 14 januaari 2022.

• Ilisimatusarfiup atuagaateqarfianiikkumalluni Coronapassimik atuuttumik PCR-testilu atorlugu tunillatsissimannginnermut uppernarsaammik takutitsisoqartassaaq qanermullu assiaquteqartoqartassalluni (Ilisimatusarfiup atuagaateqarfia Groenlandicamut kikkunnit tamanit orninneqarsinnaasumut atammat killilersuiffigineqarpoq).

• Meeqqat Ilisimatusarfiliaqatigineqarsinnaapput – ilinniartitsinerilli avatangiisillu innimigineqassapput. Innersuussutigineqarporli sapinngisamik meeqqanik Ilisimatusarfiliaqateqannginnissaq.

• Aaqqissuussat annerit taamaatinneqassapput, kinguartinneqassapput inunnilluunniit ikinnernit peqataaffigineqartussanngortinneqassallutik.

• Ilisimatusarfimmi ullormut isumagineqartassaaq inini tamani sprittilinnik saviatseqartarnissaa il.il.

• Ilisimatusarfimmi malittarisassiat suli atuupput.

Inussiarnersumik inuulluaqqusilluta;

Gitte Adler Reimer

Rektori

Kalaallit Nunaanni Covid-19-eqarmat makku campus Ilimmarfimmi Ilinniartitsinermillu Ilisimatusarfimmi atuupput:

• Ilisimatusarfimmi tamatta akisussaaffigaarput Kalaallit Nunaanni oqartussaasut Covid-19-imut tunngatillugu malittarisassiaannik malinninnissarput.

• Kapitissimanngitsut tamarmik Ilisimatusarfimmi qanermut assiaquteqassapput.

• Ilisimatusarfiup atuagaateqarfianiikkumalluni Coronapassimik atuuttumik PCR-testilu atorlugu tunillatsissimannginnermut uppernarsaammik takutitsisoqartassaaq qanermullu assiaquteqartoqartassalluni (Ilisimatusarfiup atuagaateqarfia Groenlandicamut kikkunnit tamanit orninneqarsinnaasumut atammat killilersuiffigineqarpoq).

• Meeqqat Ilisimatusarfiliaqatigineqarsinnaapput – ilinniartitsinerilli avatangiisillu innimigineqassapput. Innersuussutigineqarporli sapinngisamik meeqqanik Ilisimatusarfiliaqateqannginnissaq.

• Aaqqissuussat annerit taamaatinneqassapput, kinguartinneqassapput inunnilluunniit ikinnernit peqataaffigineqartussanngortinneqassallutik.

• Ilisimatusarfimmi ullormut isumagineqartassaaq inini tamani sprittilinnik saviatseqartarnissaa il.il.

• Ilisimatusarfimmi malittarisassiat suli atuupput.

Inussiarnersumik inuulluaqqusilluta;

Gitte Adler Reimer

Rektori

12 novembari 2021, Nunatsinni Covid-19 pillugu tusagassiortunik katersuutsitsineq tunngavigalugu Ilisimatusarfiup aqutsisuisa iliusissat tulliuttut ingerlaannartumik atuutilersussat pilersippaat:

• Ilisimatusarfimmi tamatta nunatsinni oqartussaasut Nunatsinni Covid-19 pillugu maleruaqqusaasa malinnissaat tamatta akisussaaffigaarput.

• Atuagaateqarfimmik atuisut tamarmik qanermut assiaquteqassapput.

• Aaqqissuussat annerit taamaatinneqassapput, kinguartinneqassapput ikinnerusunilluunniit peqataaffigineqartussanngortinneqassallutik.

• Ilisimatusarfimmit ullut tamaasa inini tamani serviettinik sprititalinnik il.il. peqataanissaa isumagineqassaaq.

• Ilisimatusarfiup illup iluani malittarisassai suli atuupput Campus Ilimmarfimmut aamma Ilinniartitsisunngorniarnermi Institutimut.

Inussiarnersumik inuulluaqqusillunga;

Gitte Adler Reimer

Rektori

03 septembari 2021, Nunatsinni Covid-19 pillugu tusagassiortunik katersuutsitsineq tunngavigalugu Ilisimatusarfiup aqutsisuisa iliusissat tulliuttut ingerlaannartumik atuutilersussat pilersippaat:

• Ilisimatusarfimmi tamatta nunatsinni oqartussaasut Nunatsinni Covid-19 pillugu maleruaqqusaasa malinnissaat tamatta akisussaaffigaarput.

• Ilinniartut nunanit tamalaanit aggerlutik ilinniartuugallartut ukiakkut 2021-mi semesterimi aallartittussat - aammattaaq ilinniartitsisut nunanit tamalaanit aggersuut - taamaallaat Kalaallit Nunaannut tikissinnaapput uppernarsarsinnaagunikku, akiuussutissamik kapitissimanertik naammassisimallugu (tassa imaappoq Covid-19-imit misissortissimanermi tunillatsissimannginnermut uppernarsaat naammanngilaq).

• Ilisimatusarfimmit ullut tamaasa inini tamani serviettinik sprititalinnik il.il. peqataanissaa isumagineqassaaq.

• Ilisimatusarfiup illup iluani malittarisassai suli atuupput Campus Ilimmarfimmut aamma Ilinniartitsisunngorniarnermi Institutimut.

Inussiarnersumik inuulluaqqusillunga;

Gitte Adler Reimer

Rektori

23 aggusti 2021, Nunatsinni Covid-19 pillugu tusagassiortunik katersuutsitsineq tunngavigalugu Ilisimatusarfiup aqutsisuisa iliusissat tulliuttut ingerlaannartumik atuutilersussat pilersippaat:

• Ilisimatusarfimmi tamatta nunatsinni oqartussaasut Nunatsinni Covid-19 pillugu maleruaqqusaasa malinnissaat tamatta akisussaaffigaarput.

• Nuummut tikinnermi ilinniartut akiuussutissamik naammassillutik kapitinneqarsimanngitsut Sisimiuneersut, Aasianneersut aamma Upernavimmeersut taakkununnga attuumassuteqartuneersut tamarmik ulluni tallimani angerlarsimaannassapput, tamatuma kingornatigut Covid-19-imut misissortissapput. Aatsaat Covid-19-imut misissortinnermi tassani tunillatsissimannginneq paasineqarpat Ilisimatusarfimmut iseqqusaalissapput (taanna atuuppoq campus Ilimmarfimmut aamma Ilinniartitsisunngorniarnermi Institutimut).

• Ilisimatusarfimmit ilinniartut pineqartut ilinniarnerminni ingerlanerat naleqqussassavaa, taamaalillutik annikinnerpaamik eqqorneqassammata. Paasissutissat sapinngisamik piaartumik nassiunneqassapput.

• Ilinniartut nunanit tamalaanit aggerlutik ilinniartuugallartut ukiakkut 2021-mi semesterimi aallartittussat - aammattaaq ilinniartitsisut nunanit tamalaanit aggersuut - taamaallaat Kalaallit Nunaannut tikissinnaapput uppernarsarsinnaagunikku, akiuussutissamik kapitissimanertik naammassisimallugu (tassa imaappoq Covid-19-imit misissortissimanermi tunillatsissimannginnermut uppernarsaat naammanngilaq).

• Ilisimatusarfimmit ullut tamaasa inini tamani serviettinik sprititalinnik il.il. peqataanissaa isumagineqassaaq.

• Ilisimatusarfiup illup iluani malittarisassai suli atuupput Campus Ilimmarfimmut aamma Ilinniartitsisunngorniarnermi Institutimut.

Inussiarnersumik inuulluaqqusillunga;

Gitte Adler Reimer

Rektori

Ilisimatusarfik Covid-19-ip inuiaqatigiinni kalaallini tuniluunnissaanik pinaveersaartitsiniaalluni iliuuseqaqataaniarmat Ilisimatusarfimmi aqutsisoqatigiit aalajangerput uku maannamiit atuutilissasut:

• Ilisimatusarfimmi tamatta akisussaaffeqarpugut Kalaallit Nunaanni oqartussaasut nunatsinni Covid-19-imut tunngatillugu malittarisassiaannik malinninnissamik.

• Kalaallit Nunaannut tikittut Ilisimatusarfimmukarsinnaapput aatsaat angerlarsimaannarnissamik piumasaqaatit atuuttut maleruareerunikkit.

• Ilisimatusarfimmit ullut tamaasa isumagineqartassaaq inini tamani sprittilinnik saviatseqartarnissaa il.il.

Ilisimatusarfimmi malittarisassiat suli campus Ilimmarfimmut Ilinniarfissuarmullu atuupput.

Nuummi Covid-19-eqarnera pillugu ullumi tusagassiortunik katersortitsisoqarmat Ilisimatusarfimmi aqutsisut ingerlaannaq atuutilersussanik ukuninnga suliniuteqarput:

• Nappaat Nuummi siaruaammat campus Ilimmarfik Ilinniartitsinermillu Ilisimatusarfik parnaarsorneqassapput. Taamaattumik taamaallaat matuersaateqarluni isissutissamilluunniit allagartaqarluni isertoqarsinnaavoq.

• Inuit suliassaqanngitsut ajoraluartumik Ilisimatusarfimmut alakkaaqqusaassanngillat (tamanna campus Ilimmarfimmut Ilinniartitsinermillu Ilisimatusarfimmut atuutissaaq).

• Ilinniartitsinermik Ilisimatusarfimmut inuit ikittunnguit tunillatsissimasinnaasunut peqateqarsimagunarput. Oqartussaasulli sulisutta Ilinniartitsinermik Ilisimatusarfimmiittut misissortittariaqarsorinngilaat nappaat ersiuteqanngimmat.

• Isumannaallisaaniarlunili Ilinniartitsinermik Ilisimatusarfimmi sulisut tamarmik angerlarsimaffimminnit sulinissamut kajumissaarneqarput ullumimiit sapaatip-akunnera naallugu - taamatuttaaq kajumissaarutigineqarpoq Ilinniartitsinermik Ilisimatusarfimmi soraarummeernissat internetikkut pinissaat ullumimiit sapaatip-akunnera naallugu, tamatumunnga periarfissaqartilluni.

• Campus Ilimmarfik pisumit tamatumannga sunnerneqanngilaq, taamaattumillu ilinniartitsinerit soraarummeernerillu nalinginnaasumik ingerlassapput.

Nunatsinni Nakorsaaneqarfiup nittartagaa alakkaruk oqartussaasut Covid-19 pillugu malittarisassiaat paaserusukkukkit.

Ilisimatusarfimmi malittarisassiat suli campus Ilimmarfimmut Ilinniarfissuarmullu atuupput.

Ilisimatusarfik Covid-19-ip inuiaqatigiinni kalaallini tuniluunnissaanik pinaveersaartitsiniaalluni iliuuseqaqataaniarmat Ilisimatusarfimmi aqutsisoqatigiit aalajangerput uku maannamiit atuutilissasut:

• Ilisimatusarfimmi tamatta akisussaaffeqarpugut Kalaallit Nunaanni oqartussaasut nunatsinni Covid-19-imut tunngatillugu malittarisassiaannik malinninnissamik.

• Kalaallit Nunaannut tikittut Ilisimatusarfimmukarsinnaapput aatsaat angerlarsimaannarnissamik piumasaqaatit atuuttut maleruareerunikkit.

• Ilisimatusarfimmit ullut tamaasa isumagineqartassaaq inini tamani sprittilinnik saviatseqartarnissaa il.il.

Ilisimatusarfimmi malittarisassiat suli campus Ilimmarfimmut Ilinniarfissuarmullu atuupput.

Ilisimatusarfimmi Covid-19 pillugu nutaarsiassat

PINGAARUTILIK: Nunatsinni Nakorsaaneqarfiup nittartagaa alakkaruk oqartussaasut Covid-19 pillugu malittarisassiaat paaserusukkukkit.

Covid-19-ip nunatsinni tuniluunnissaa pinaveersaartinniarlugu Ilisimatusarfik iliuuseqaqataaniassammat Ilisimatusarfimmi aqutsisoqatigiit aalajangerput suliniutit suli allat uku massakkorpiaq suliniutigineqalissasut:

• Malittarisassanik atuuttunik maleruaanissaq Ilisimatusarfimmi tamatta akisussaaffigaarput.

• Inuit susassaqanngitsut Ilisimatusarfimmut isersinnaatitaajunnaarput (tamanna atuuppoq campus Ilimmarfimmi Ilinniarfissuarmilu).

• Inuit suliassaqarlutik avataaniit Ilisimatusarfimmiittut: Danmarkimi tuniluunnerup annertoorujussuunera peqqutigalugu angerlarsimaannarnissamut maleruagassat siornatigut atuussimasut atuutsinneqaleqqipput. Tassalu Kalaallit Nunaannut tikittut ulluni 14-ini angerlarsimaannartussaapput imaluunniit tikinnermiit ullut tallimat qaangiunnerini kingusinnerusukkulluunniit misissorteqqittussaallutik. Ilisimatusarfimmut apuunnermi receptionimut saaffiginnittoqassaaq, tassanilu Ilisimatusarfiup malittarisassai atuuttut pillugit paasissutissiisoqassaaq.

• Ilisimatusarfimmi inini tamani sprittilinnik servietseqarnissaa il.il. ullormut isumagineqartassaaq.

• Aaqqissuussat annerit taamaatinneqarlutilluunniit kinguartinneqarlutilluunniit annikillisarneqaarput.

• Pisariaqarnera naapertorlugu internettikkut atuartitsisoqartassaaq.

Tamakku saniatigut Ilisimatusarfimmi malittarisassat campus Ilimmarfimmi Ilinniarfissuarmilu suli atuupput.  

Ilisimatusarfik - Covid-19

Kalaallit Nunaannut ammaaqqittoqarpoq – ilinnulli Nunatsinnukarusuttumut piumasaqataatitaqarpoq.

Nunatta Nakorsaaneqarfiata nittartagaani aallannginninni eqqumaffigisassat, misissortinnissat, immersuiffik Sumut pillugit Nunatsinnullu tikinninni qanoq iliornissat pillugu misissuisinnaavutit.

Ilisimatusarfimmi soorunami Kalaallit Nunaanni oqartussaasut malittarisassiaannik malinnippugut.

Ilisimatusarfilli aamma Covid-19-ip inuiaqatigiit kalaallit akornanni siaruaannissaanik pakkersimaarinninniarluni iliuuseqaqataaniarluni – Ilisimatusarfimmi aqutsisut aalajangerput suliniut uku ingerlaannaq atuutilissasut:

• Sulisut tamarmik suliaminnut atatillugu angalanissaat suli kinguartinneqaqqassapput (rektori qinnuteqaasiornermigut immikkut akuerisaasinnaavoq).

• Aaqqissuussat annerit taamaatinneqassapput, kinguartinneqassapput ikinnerusunilluunniit peqataaffigineqartussanngortinneqassallutik.

• Ilinniartitsisut ilinniartullu avataanit Ilisimatusarfimmut tikittut - tikinnissartillu ullunik 14-inik sioqqullugu Savalimmiuniissimasut nunaniluunniit sumiiffinniluunniit allani danskit Udenrigsministeriap angalanermut ilitsersuussutaani nunatut angerlarsimaannaqqusaaffissatut taaguuserneqartuniissimasut - Nuummut tikinnerminnit ulluni tallimani angerlarsimaqqaassapput kingornalu Covid-19-imik tunillatsissimanerlutik misissortissallutik. Tunillatsissimanngippata angerlarsimasariaarutissapput.

• Internetikkut ilinniartitsinerit pisariaqarnerat naapertorlugu atorneqassapput (assersuutigalugu ilinniartitsisoq angerlarsimaqqusaappat immikkoortup matuma siualianiittunik pissuteqarluni).

Tamatuma saniatigut Ilisimatusarfiup malittarisassiai suli atuupput campus Ilimmarfimmut Ilinniarfissuarmullu.

Naalakkersuisut juunip 12-ianni 2020 nalunaarput ataasinngornermit juunip 15-iannit 2020 Danmarkimit angallannerup ammarneqaqqinnissaa aalajangiusimaneqassasoq.

Nittartakkami matumani aallannginninni eqqumaffigisassatit, misissuiffigineqartarnissat, immersugassaq Sumut, Nunatsinnullu tikinninni qanoq iliussanersutit pillugit atuarsinnaavutit.

Kalaallit Nunaata iluani angalanernut suli killilersuisitsisoqanngilaq - taamaallaallu Atlantikoq qulaallugu timmisartornermi qanermut assiaquteqarnissaq piumasaqaatigineqarpoq.

Kalaallit Nunaannut tikinnermit ullut tallimassaanni misissuiffigineqartarnissaq piumasaqaatigineqarmat (sumiiffiillu suli ilaannaanni misissuiffigineqartoqarsinnaammat), ilinniartut ilaat illoqarfinni misissuiffigitiffiusinnaasuneeqqaartariaqarsinnaapput.

Maanna Naalakkersuisoqarfik tamatumunnga tunngatillugu aningaasartuutit ilinniartullu Covid-19-imut tunngatillugu immikkut ittumik angalanissaannut aningaasartuutit matussusernissaannut periarfissarsiorput ilisimatitsissuteqarnermikkut.

Ilisimatusarfik Tunillaassortumik Nappaalanersuaqarneranut Ataatsimiititaliarsuup Kalaallillu Nunaanni oqartussaasut malittarisassiaannik malinnippoq - taamaattumik Ilisimatusarfimmi aqutsisut aalajangerput ataasinngornermiit apriilip 27-anniit 2020 ammaaqqinniarlutik.

Tassa imaappoq, ilinniakkani il.il. tamani ilinniartitsinerit campusimi Ilimmarfimmi Ilinniarfissuarmilu ingerlaqqilissasut ataasinngornermiit apriilip 27-anniit 2020.

Ammaanermut atatillugu ilinniartut, sulisut alakkaasullu tamarmik kajumissaarneqassapput oqartussaasut qanillivallaannginnissaq eqqiluisaarnissarlu il.il. pillugit innersuussutaannik malinneqqullugit.

Tamatumunnga tunngatillugu Ilisimatusarfik malittarisassialiorsimavoq - uanilu downloaderneqarsinnaapput.

Ilisimatusarfiup ammariartuaaqqinneqarnissaa 

Ilisimatusarfiup Nappaalanersuaqarneranut ataatsimiititaliap nunatsinnilu oqartussat innersuussutaat malippai – taamaammat Ilisimatusarfiup aqutsisui aaliangerput Ilisimatusarfik ammariartuaaqqinneqassasoq.

Ammariartoqqinnerli ilinniakkat ilaannaannut atuuppoq – ataanilu takusinnaavatit ilinniakkat sorliit pineqarnersut. 

Ilinniakkat uku ammariartuaarneqassapput - Nappaalanersuaqarneranut ataatsimiititaliap nunatsinnilu oqartussat innersuussutaat eqqumaffigalugit:

• Ilinniartitsisoq
• Nutserisoq Oqalutsilu

Ilinniakkat uku nittartakkakkut ingerlanneqarallassapput – allamik nalunaarteqartoqarnissaa tikillugu: 

• Inuussutissarsiornermi Aningaasaqarnermik Ilisimatusarneq
• Inatsisilerineq
• Inuiaqatigiilerineq
• Inuiaat Kulturiat Oqaluttuarisaanerallu
• Isumaginninnermut Siunnersorti
• Oqaasilerineq, Atuakkialerineq Tusagassiuutilerinerlu
• Peqqissaasoq
• Teologi
• Tusagassiortoq

Ilinniartut tamarmik Ilinniartunut sullissivimmiit immikkoortortamilu aqutsisuminniit ilinniagarisap iluani pilersaarutinut tunngasunik sukumiinerusumik paasissutissinneqarumaarput – apriilimilu misilitsittoqassappat aamma tamanna pillugu paasissutissiisoqassalluni.

Ilisimatusarfimmi aqutsisut kissaataat malillugu, Ilimmarfimmi Atuagaateqarfik periarfissiiniarpoq ilinniartunut allaaserisaminnut atortussamik amigaatilinnut.

Atuakkamik amigaateqaruit uunga e-mailissaatit: bool@uni.gl kiisalu ernba@uni.gl.

Tassa pingasunngorpamiit ilinniartoq atuagaatilerisut piffissamik tunniussisimappata, atuakkamik allamilluunnit immikoortinneqarsimasumik allernissamut.

Erseqqissaatigissavarput isumaqatigiissut kisiat tunngavigalugu piffissamik tunineqarsimasut aallersinnaassammata.

Ilisimatusarfik matussaaq Nappaalanersuaqarneranut Ataatsimiititaliap Nunatsinnilu oqartussaasut marsip 18-ianni 2020 peqqussutaata kinguneranik

Tamanna tunngavigalugu Ilisimatusarfimmi aqutsisut aalajangerput suliniutit uku aallartinniarlugit. 

Suliniutit ingerlaannartumik atuutilissapput allamik nalunaaruteqartoqarnissaata tungaanut: 

• Ilisimatusarfik matuneqassaaq parnaarneqassallunilu. Sulisut suliaminnut tunngasunik aallersinnaapput tallimanngorneq marsip 20-at 2020 nal. 16.00 sioqqullugu (eqqaamajuk matuersaativimmik nassarnissat).
• Ilisimatusarfimmi suliniutit pisariaqanngitsut tamarmik unitsinneqassapput – aamma ilinniartut najuullutik sammisaqarneri unitsinneqassapput (tassa inini ilinniartitsivinni najuulluni ilinniartitsinerit unitsinneqassapput).
• Taamaattumik ilinniartut Ilisimatusarfiliaqqusaanngillat maannamiit atuutilersumik. Tamanna campus Ilimmarfimmi Ilinniarfissuarmilu atuuppoq.
• Campus Ilimmarfimmi Ilinniarfissuarmilu sukkanerpaamik tamanik eqqiaasoqassaaq.
• Ilinniakkani tamani fagianni pikkorissarfiinilu nammineq ilinniarnermut aamma / imlt. najuunnani ilinniartitaanermut tunngatillugu iliuusissatut pilersaarusiortoqarsimavoq ilinniartitsisut suleqatigalugit. Ilinniartunut tamanut sukkanerpaamik paasissutissanik nassiussisoqassaaq.
• Ilinniartut suli ilinniarnerminnik ingerlatsissapput, taamaattumillu suli ilinniagaqarnersiuteqartassallutik.
• Sulisut tamarmik Ilisimatusarfiup ingerlanneqarnerani ajornartoorfiusumi pisariaqartinneqanngitsut allamik nalunaaruteqartoqarnissaata tungaanut angerlarsimaannartinneqassapput.
• Sulisut ajornartoorfiusumi suliaqartussaasut kisimik Ilisimatusarfimmi aggerlutik najuussinnaapput. Immikkoortortami pisortaasoq aalajangiissaaq sulisut sorliit Ilisimatusarfimmi ingerlatsinermi ajornartoorfiusumi pisariaqartinneqassanersut. 
• Sulisut tamarmik suliaminnut atatillugu angalanissaat tamarmik suli kinguartinneqaqqapput.
• Aaqqissuussat tamarmik taamaatinneqarput kingusinnerusumulluunniit kinguartinneqaqqallutik.
• Ilinniartut ukiamut semesterimi 2020-mi nunani allani ilinniariarnissamik pilersaarutaat massakkorpiaq allannguivigineqassanngillat – kajumissaarutigaarpulli danskit Udenrigsministeriaata nittartagaani angalanermut tunngatillugu siunnersuutit alakkaallattaasoqartarnissaa.  
• Ilinniartut sulisullu Naalagaaffeqatitsinni tamatumaluunniit avataani nunani allamiissimasut Nunatsinnut uterunik ulluni 14-ini angerlarsimaannaqqusaassapput. Nappaalanersuaqarneranut Ataatsimiititalip Kalaallillu Nunaanni oqartussaasut tamatumunnga tunngatillugu malittarisassiaat malinneqassapput.
• Ilisimatusarfiup aamma kajumissaarutigaa ilinniartut sulisullu tamarmik Nappaalanersuaqarnermut Ataatsimiititaliarsuup Kalaallillu Nunaanni oqartussaasut ulluinnarni timikkut attuisarnermut tunngatillugu innersuussutaannik malinnissasut. Taamaattumik assaat errortorluartariaqarput – assammiinaveersaassalluta, ulussakkut kunissuinaveersaassalluta eqitaarinninnaveersaassallutalu. 


Soorunami pissutsit atuuttut siornatigut misigisimanngilavut, siunissamilu qaninnermi tamatta sulilluartariaqassaagut.

Aamma apeqqutissaqalissaagut qanittukkut akissutissarsiffiginngisatsinnik – neriuutigeqaarali kikkut tamarmik paasinnissasut.  

Gitte Adler Reimer 

Rektori, Ilisimatusarfik

Coronavirusi pillugu paasissutissat pingaarutillit

Ilisimatusarfik Nappaalanersuaqarneranut Ataatsimiititaliap Kalaallillu Nunaanni pisortat coronavirusimut tunngatillugu innersuussutaannik malinnippoq

Nappaalanersuaqarnermut Ataatsimiititaliamit Kalaallillu Nunaanni oqartussaasunit marsip 12-ianni 2020 innersuussutigineqartut tunngavigalugit Ilisimatusarfimmi aqutsisut aalajangerput ukuninnga suliniuteqarniarlutik.

Suliniutissat ingerlaannartumik atuutilissapput allamik nalunaaruteqartoqarnissaata tungaanut:

• Sulisut suliaminnut atatillugu angalanissaat tamarmik kinguartinneqassapput – Nunatta iluani avataanilu.
• Aaqqissuussat 100-nit amerlanerusunit peqataaffigineqartussat taamaatinneqarlutilluunniit kinguartinneqassapput.
• Nappaalanersuaqarneranut Ataatsimiititaliamit Kalaallillu Nunaanni oqartussaasunit allamik aalajangiisoqarnissaata tungaanut nalinginnaasumik ingerlatsinerit soorlu ilinniartitsinerit Ilisimatusarfimmi pisarnertut ingerlaannassapput. Ilinniartulli sulisullu kajumissaassavavut pisariaqanngitsumik Ilisimatusarfimmeeqqunagit.
• Sulisut kajumissaarneqarput angerlarsimallutik suleqqullugit pisortarisartik qaninneq isumaqatigiissuteqarfigeriarlugu.
• Ilinniartut ukiamut semesterimi 2020-mi nunani allani ilinniariarnissamik pilersaarutaat massakkorpiaq allannguivigineqassanngillat – kajumissaarutigaarpulli danskit Udenrigsministeriaata nittartagaani angalanermut tunngatillugu siunnersuutit alakkaallattaasoqartarnissaa.
• Ilinniartut massakkorpiaq nunani allani ilinniartut nunani taakkunani oqartussaasut innersuussutaannik maleruaassapput.
• Ilisimatusarfiup aamma kajumissaarutigaa ilinniartut sulisullu tamarmik Nappaalanersuaqarnermut Ataatsimiititaliarsuup Kalaallillu Nunaanni oqartussaasut ulluinnarni timikkut attuisarnermut tunngatillugu innersuussutaannik malinnissasut. Taamaattumik assaat errortorluartariaqarput – assammiinaveersaassalluta, ulussakkut kunissuinaveersaassalluta eqitaarinninnaveersaassallutalu.
• Ilinniartut sulisullu peqqiilliortutut misigisut nuffasersimasullu pisortarisartik ilinniartitsisortik pisortarisartilluunniit qaninneq isumaqatigalugu angerlarsimaannassapput.

Gitte Adler Reimer

Rektori, Ilisimatusarfik