Professorimit oqalugiaat atuakkamillu saqqummiussineq

Ilisimatusarfik professorip oqalugiarneranik atuakkamillu saqqummiussinermik tusarnaariaqqusivoq pingasunngornermi juunip 1-ianni nal. 15.15-imiit 16.30-mut Ilisimatusarfiup auditoriaani (Facebookitsinnit toqqaannartumik aallakaatitsineq).

Pilersaarut

Nal. 15.15 - 16.00: Professorimit Gestur Hovgaardimit oqalugiaat: "Når videnssamfundet og lokalsamfundet mødes".

Gestur Hovgaard 2021-mi Inuiaqatigiilerinermik, Aningaasaqarnermik Tusagassiornermillu Ilisimatusarfimmi inuiaqatigiilerinermi professorinngortinneqarpoq. Tamanna malunnartinniarlugu maanna professorinngornermini oqalugiaateqassaaq.

Oqalugiaataa pilersaarusiornermi innuttaaqatigiinnilu ilisimatusarfigisaanik aallaaveqassaaq apeqqummillu matuminnga tunngaveqassalluni: "Ilisimasat innuttaaqatigiillu imminnut sunniuteqarnerat siunissamut piujuartitsiviusumut appakaannitsinni qanoq ineriartortinneqassava?".

Gesturip oqalugiaammini ilisimatuutut misissuinermini misilittagarilersimasani siammasissumik eqqartussavai, aammali ingammik suliniut "Bæredygtige værdikæder i nordiske kystsamfund" eqqartussavaa, suliniummi nunani avannarlerni innuttaaqatigiinnut sineriammi, ilaatigut nunatta kujataani, inuusunut ornigulluni misissuiartortoqarmat. Misilittakkat taakku aallaavigalugit ilisimatuutut misissuinermik innuttaaqatigiinnillu imminnut sunniuteqarneruleriartortitsineq pillugu isummat saqqummiunneqassapput.

Nal. 16.10 - 16.30: Steven Arnfjord atuakkamik matuminnga saqqummiussissaaq: "Samfundsvidenskabelig praksis - arktiske perspektiver".

Atuagaq "Samfundsvidenskabelig praksis - arktiske perspektiver" Ilisimatusarfik Pressimi nutaajusumi saqqummersinneqartut siullersaraat.

Atuagaq lektorimit Steven Arnfjordimit professorimillu Gestur Hovgaardimit aaqqissuussaavoq - Kalaallit Nunaanni, Islandimi, Savalimmiuni Canadamilu ilisimatuunit tapiiffigineqarluni.

Steven Arnfjordip atuakkamik suliaqarnertik oqaluttuarissavaa - kingornalu atuagaq akikinnerusumik pisiarineqarsinnaassaaq.