Nasiffimmi pisussaq: Illersornissaqarfiup Kangerlussuarmi ilinniarfia nutaaq pillugu soraarnerup nalaani paasisitsiniaaneq

Illersornissaqarfik kalaallit inuusuttaannut aatsaavissuaq ilinniakkamik pilersitsivoq: Issittumi Tunngaviusumik Ilinniagaq.

Issittumi piginnaasanik annertusaanissamut Kalaallit Nunaata Danmarkillu akornanni politikkikkut isumaqatigiissutaanni ilinniagaq ilaavoq.

Ilinniakkap imarisai, ilinniaqatigiit siulliit aallartinnissaannut piareersarnerput kiisalu upalungaarsimanermut ilinniakkap sunik periarfissiisarnissaa pillugit takkullutit tusarnaariarit.

Issittumi Tunngaviusumik Ilinniagaq Issittumi Sakkutooqarfimmit ineriartortinneqarsimavoq, ineriartortinneqarneranilu Kalaallit Nunaanni Politiit aamma annaassiniarnermut upalungaarsimasut aamma oqaaseqartinneqarsimapput.

Ilinniagaq Kangerlussuarmi maajip 6-iani 2024-mi aallartissaaq - pingasunngorpalli oktobarip 11-iani 2023 ilinniakkamut tunngavilersuutit paasisaqarfigisinnaavatit.

• Qaqugu: oktobarip 11-iat 2023, nal. 16.00 - 17.30
• Sumi: campusip Ilimmarfiup inersuaani ilinniartitsiviusumi
• Saqqummiisoq: Sakkutuut naalagaat Anders Kastoft, Issittumi Sakkutooqarfik
• Oqallinnermi aqutsisoq: Rasmus Leander Nielsen, Nasiffik - Nunanut Allanut Sillimaniarnermullu Ilisimatusarfik
• Oqaatsit: saqqummiineq apersuinerlu qallunaatut ingerlanneqassapput

Kaffeqarlunilu kaageqassaaq - kikkut tamarmik tikilluaqqusaapput.