Aningaasaqarnermut Siunnersuisooqatigiit 2024-mut nalunaarusiaata saqqummiunneqarnera

Aningaasaqarnermut Siunnersuisooqatigiit 2024-mut Nalunaarusiaata saqqummiunneqarnissaanut soqutiginnittut tamarmik matumuuna nuannaarutigisatsinnik aggersarpavut.

Aningaasaqarnermut Siunnersuisooqatigiit siulittaasuata, Torben M. Andersenip, 2024-mut ukiumoortumik nalunaarusiaq saqqummiutissavaa.

Saqqummiussinermi 2024-mut nalunaarusiami inernerit pingaarnerit sammineqassapput tassanilu maannakkut aningaasaqarnikkut inissisimaffik soraarnerussutisianullu tunngasut immikkut isiginiarneqassapput.

Kalaallit Nunaanni ullumikkut aningaasaqarnikkut inissisimaffik pillugu paasisaqarneruniarlutit peqataagit, taamaasillutit inuiaqatigiit sumut ingerlaarnerat pillugu ukiaanerani oqallinnernut pingaarutilinnut piareersimanerulissaatit.