Greenland science week

Novembarip 12-13-iani 2025 Greenland Science Week ingerlanneqassaaq - tamanna nunatsinni ilisimatusarnermik suliassaqarfiup aamma ilisimasanik avitseqatigiittarnerup iluanni ukioq manna pisut annersaasa ilagaat.

Ilisimatusarfik soorunami sinniisoqarluassaaq, ilisimatusartuutigullu arlallit pissanganartunik saqqummiinermikkut, isummersoqatigiiffinni sammisatigut siammasissuni tapiissuteqassapput.

Greenland Science Week oqaluttarfiuvoq pingaarutilik, tassani ilisimatusartut, ilinniartut, kattuffiit, aalajangiisartut aamma innuttaasut naapeqatigiittarput ilisimasanik nutaanik avitseqatigiinniarlutik attaveqatigiinnillu pilersitsiniarlutik, nunarsuarlu tamakkerlugu ilisimatusarnerup silarsuaani Kalaallit Nunaata inissisimaffia immikkut sammissavaat.

Ilisimatusarfimmit kikkut - qaqugulu - peqataassanersut takukkit:

• Sara Næss Elleskov: Toward Ethical Stewardship: Centering Kalaallit Inuit Voices in Bioarchaeological Research (12 novembari 2025, nal. 14.05 - 14.20 Katuami Hans Lyngep Inersuaani)

• Emma Vitale: Human-Dog Symbiosis and Ecological Dynamics in the Arctic (12 novembari 2025, nal. 15.25 - 15.40 Katuami Hans Lyngep Inersuaani)

• Mari Kleist: Ammaanermi oqalugiaat (13 novembari 2025, nal. 8.35 - 8.55 Katuami)

• Therese Lind Benhardt, Camilla Kleemann-Andersen & Paninnguaq Boassen Building the Future - Early Career Scholars-imi isummersoqatigiinni peqataassapput, oqallinnermi Clement Pindstrup Scavenius aqutsisuussaaq (13 novembari 2025, nal. 8.55 - 9.45 Katuami Hans Lyngep Inersuaani)

• Manumina Jensen: Nanorriutit - Polar Bear Dogs and Cultural Knowledge in a Changing Arctic (13 novembari 2025, nal. 11.20 - 11.35 Katuami Hans Lyngep Inersuaani)

• Steven Arnfjord: No eyes on the marginalized (pingaarnertut oqalugiartoq) (13 novembari 2025, nal. 12.50 - 13.20 Katuami Hans Lyngep Inersuaani)

Ullut marluk isumassarsiorfigilluarsinnaasatit qilanaarisinnaavatit, ulluni taakkunani ilisimasat, sammiviliinerit pissanganartut aamma kalaallit ilisimatusartut pikkorilluinnartut tusarnaarsinnaavatit.

Greenlandic Science Week-imut pilersaarut tamakkerlugu uani aasinnaavat.