Suliffissanik nittarsaassineq 2025

Ilisimatusarfiup ukioq manna suliffissanik nittarsaassinissaminut nuannarineqarluartartumut suliffeqarfiit, kattuffiit ingerlatsiviillu nunatsinneersut tamarmik aammaarluni qaaqquai - ukioq mannalu nittarsaassineq sapaatit akunnerini arlalinni ingerlanneqarumaarpoq.

Siunissami sumi sulisinnaanerit alapernaaffigaajuk?

Taamaappat Suliffissanik Nittarsaassineq ilinnoorpoq!

Oktobarip 10-anit 31-anut 2025 suliffeqarfiit, kattuffiit ingerlatsiviillu assigiinngitsorpassuit naapissinnaavatit - nittarsaassinerlu Ilisimatusarfiup kantiinaani nal. 11.00 - 13.00 ingerlanneqartassaaq.

Suliffissanik Nittarsaassinermi ukuninnga periarfissaqarputit:

• Sulisitsisut toqqaannaq oqaloqatigisinnaavatit suullu ujarneraat paasiniarlugit.

• Suliffimmik misiliinissamut aamma atorfininnissamut periarfissat paasisaqarfigineri.

• Attaveqarfitit annertusisinnaavatit siunissallu pillugu attaveqarfigisinnaasannik pilersitsillutit.

Pilersaarut - kikkut qaqugulu naapissinnaavigit?

• Tallimanngorneq oktobarip 10-at, nal. 12.00: Ilisimatusarfimmi ph.d.-nngorniarfik ilisimatuunngorniarfillu

• Ataasinngorneq oktobarip 13-iat, nal. 12.00: Kalaallit Nunaanni Politiini Unnerluussisussaatitaasut

• Marlunngorneq oktobarip 14-iat, nal. 12.00: Polar Seafood Greenland

• Pingasunngorneq oktobarip 15-iat, nal. 12.00: Tusass

• Sisamanngorneq oktobarip 16-iat, nal. 11.00: Air Greenland

• Tallimanngorneq oktobarip 17-iat, nal. 12.00: Inatsisartut Allattoqarfiat

• Ataasinngorneq oktobarip 20-at, nal. 12.00: Atuisartoqarnermut Unammilleqatigiinnermullu Aqutsisoqarfik

• Marlunngorneq oktobarip 21-at, nal. 12.00: Aningaasaqarnermut Sulisoqarnermullu Aqutsisoqarfik

• Pingasunngorneq oktobarip 22-at, nal. 11.00: Nunatsinni Eqqartuussiviit

• Sisamanngorneq oktobarip 23-at, nal. 11.00: Nukissiorfiit

• Tallimanngorneq 24. oktobarip 24-at, nal. 11.00: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik

• Ataasinngorneq oktobarip 27-at, nal. 11.00: Inatsisartut Ombudsmandiat

• Marlunngorneq oktobarip 28-at, nal. 11.00: Inatsisartut Ombudsmandiat

• Pingasunngorneq oktobarip 29-at, nal. 11.00: Inatsisartut Ombudsmandiat

• Sisamanngorneq oktobarip 30-at, nal. 11.00: Alfred.gl

• Tallimanngorneq oktobarip 31-at, nal. 11.00: Kalaallit Nunaanni Naatsorsueqqissaartarfik

Suliffeqarfinnut apeqqutissannik piareersareersinnaaguit iluaqutaassaaq - eqqaamallugulu pisortatiguunngitsumik oqaloqatigiinneq siunissami atorfininnissannut allaat aqqutaasinnaammat.