CASES 2025 - aasaanerani pikkorissarneq immikkuullarissoq

Ilisimatusarfiup CASES 2025 | Complex Inequalities and Regional Perspectives - East Greenland-imi aasaanerani pikkorissaanermik aaqqissuusseqataasinnaagami tulluusimaarutigaa, aaqqissuussarlu 2. - 15. september 2025 ingerlanneqassaaq.

Aasaanerani pikkorissarneq sumut tunngava?

Misigisaqarneq aallaavigalugu aasaanerani pikkorissarneq ilinnut ilinniartumut periarfissaavoq immikkuullarissoq, tassani ilisimatusartut aamma immikkut ilisimasallit suliassaqarfinnit assigiinngitsuneersut tatigisaasullu pikkorissarninni najuullutit suleqatigisinnaajumaarpatit.

Arlariiaanik sammiveqartunik assigiinngissutsit nunattalu ilaannit sammiviliinerit qitiutinneqarnerisigut pikkorissaanermi inuiaqatigiilerinerup iluani suliassaqarfiit assigiinngitsorpassuit ataqatigiissinneqassapput, assersuutigalugit tassaasut inuup inuiaqatigiillu pissusiinik ilisimatusaatit, innuttaasutut inooqatigiinnerup qanoq ingerlatitaaneranik ilisimatusaatit, aningaasaqarneq, nunalerineq aamma inatsisilerineq.

Ilisimatusaatinit sammiviliissutinik aamma nunap inoqqaavinit, suliffeqarfinnit nunallu ilaani tassani oqartussaqarfinni sullissisut ilisimasaat paasisaqarfigissavatit.

Pikkorissaanerup imarisai

Ilinniartut Alaskameersut, Canadameersut aamma Sàpmimeersut pikkorissarnermi suleqatigissavatit, pikkorissarnerlu tuluttut ingerlanneqassaaq.

Pikkorissarnerup ingerlanerani WAGE-mit ilitsersuisut saqqummiineranni peqataassaatit aamma najugaqarfinni Nuummit, Tasiilamit, Tiilerilaamit Kulusummiillu sinniisut naapinnissaannut periarfissaqassaatit.

Tamatuma saniatigut nunat inoqqaavisa kattuffiisa aamma oqartussat attuumassutillit sinniisui naapissavatit.

Pissutsit arlariiaanik sammivillit nunap ilaanut sunniuteqartitsisartut pillugit oqallinnernut pikkorissaaneq tapersiisutut atuuffeqassaaq iliuuseqaqataanikkullu misilittakkanik aallerfigisinnaassavat.

Kikkut peqataasinnaappat?

Pikkorissarneq bacheloritut, kandidatitut ph.d.-tullu ilinniartunut tamanut, inuiaqatigiinni unammillernartinneqartunut immikkut ittunut periarfissanullu soqutiginnittunut, ammavoq.

Ilinniartut ECTS-innassapput (ECTS-pointitai kingusinnerusukkut nalunaarutigineqarumaarput).

Allatsinneq paasissutissallu allat

CASES 2025 pillugu atuarnerusinnaavutit, paasisaqarnerusinnaavutit uunga saaffiginninnikkut Marie Kathrine Poppel mkp@uni.gl aamma nittartakkatigut ugguuna allatsissinnaavutit.

Aasaanerani pikkorissarnissamut periarfissaq atorluaruk, pikkorissarnerummi suliatigut taamaallaat ilisimasanik tuniinnassanngilaatit, nunarpulli pillugu itisiliinerusumik aammattaaq paasisaqartikkumaarpaatit.