Atuakkanik saqqummersitsinissamut qaaqqusissut

Ilisimatusarfiit; issittumi atugarissaarneq pillugu ilisimatusarfik ICAV aamma meeqqat inuusuttut avatangiisaallu pillugit ilisimatusarfik CARE atuakkanik marlunnik saqqummersitsinissamut atatillugu qaaqqusisinnaaneq nuannaarutigaat Grønlands socialpolitik - dannelsen af et arktisk velfærdssamfund (Steven Arnfjord) & Barndomshjem eller børnehjem - grønlandske børn anbragt uden for hjemmet (Bonnie Jensen).

Najoqqutassaq

Naatsumik tikilluaqqusereernerup kingorna, atuakkat naatsumik saqqummiunneqassapput, tamarmik immikkut apeqquteqarsinnaanermik akissuteqarfigineqarsinnaanermillu malitseqartussat. Tassani atuakkiortunut toqqaannartumik apeqquteqarnissannut annertunerusunillu paasisaqarnissannut periarfissinneqassaatit.

Tamulugassaqassaaq, imertarfimmut viinillertoqassaaq ilorrisimaarlunilu oqaloqatigiinnissamut periarfissaqassalluni.

Peqatigalusi saqqummiussinerit nalliussinissaat qilanaaraarput Ilisimatusarfimilu ualeq isumassarsiorfissaq, eqqarsaatillu tamatumunnga tunuliaqutaasut tusarnissaat, amerlallusi peqataaffigissagissi neriuutigaarput.

Aaqqissuusineq soqutiginnittunut tamanut ammavoq.