Nunarsuarmi tamarmi politikkikkut inissisimaffik pillugu Ilisimatusarfimmi ilisimatuut isummersoqatigiinnerat

Nunarsuarmi tamarmi politikkikkut inissisimaffik allanngoriartupiloorpoq ineriartornerlu tamanna ernumatitsivoq. 

Sisamanngornermi ulloq 29.01.2026 Ilisimatusarfik ilisimatuunik Issittumi nunanut allanut sillimaniarnermullu  politikki pillugu suliaqartunik isummersoqatigiissitsilluni katersuutsitsissaaq. 

Maannakkut inissisimaffik pillugu ilisimatuut tamarmik immikkut naatsumik saqqummiissapput, tamatuma kingorna  tusarnaariat isummersoqatigiinnut apeqquteqarnissaminnut periarfissaqassapput. 

Aaqqissuussaq Ilisimatusarfimmi ilinniartunut sulisunullu aammattaaq Nuummi innuttaasunut soqutiginnittunut ammavoq.  Nutaarsiassaqarfinneersut imaassinnaavoq aamma najuuttut. 

Tikilluaqqusisoq: Rektori Mari Kleist

Isummersoqatigiit:  
Hans Peder Kirkegaard, ph.d.-nngorniaq 

Maria Ackrén, professori, ph.d.  

Sara Olsvig, ilisimatooq Ilisimatusarfimmut attuumassuteqartoq, ph.d. 

Jeppe Strandsbjerg, lektori, ph.d. 

Rasmus Leander Nielsen, lektori, ilisimatusarnermik ingerlatsivimmi aqutsisoq, ph.d.