Tusagassiortoq
bacheloritut
Alapernaatsuuit aamma inuiaqatigiinni sammisat pingaarutillit pillugit misissuineq, qulaajaaneq ingerlatitseqqiinerlu suliarerusuppigit?
Ilinniagaq atorfininnissaq siunertaralugu bachelorinngorniarneruvoq teoreertalu suliamut sammivoq.
Tusagassiornermik periutsit piginnaaneqarfigilissavatit aamma inuiaqatigiit kalaallit ilusaat aaqqissugaanerallu paasisaqarfigissavatit.
Ilinniarnermi piumasaqaataapput suleqateqarluarsinnaassuseqarneq, imminut naalakkersinnaaneq nammineersinnaanerlu, tassami tusagassiortuunermi ujartuisinnaaneq nammineerlunilu aallarnisaasinnaaneq pineqarput.
Uani "studieordning" ilinniakkap aaqqissuussaanera pillugu paasisaqarnerusinnaavutit.
Studieordning (bachelor) (2026)
Studieordning (bachelor) (2016)
🎤 Tusagassiortoq
Isummannik oqaluttuarusuppit - aamma oqaluttuarusunnermik sapiissuseqarpit?
👉 Allannissaq, videomik suliaqarnissaq aamma oqaluttuariaatsit ilinniakkit
👉 Tusagassiiviit ilumoortut praktikikkillu suleqatigalugit suliffissarsiorit
👉 Tusagassiortutut sulilernissamut piareersarlutit
Praktik ilinniarnermut ilaavoq - tusagassiornermi periutsit aaqqissuisoqarfinniillutit ilinniakkit
Tusagassiorneq pillugu atuakkeriinnarnissat kisiat kissaatiginngilat - kisianni nammineq misigineqartariaqarpoq?
👉 Tusagassiorfinni akuullutit praktikkerit
👉 Ullormi siullermit misilittagaqalerit
👉 Tusagassiortunik misilittagartuunik peqateqarlutit suliaqartalerit
Qaammatini 12-ni praktikkersinnaavutit tusagassiornermi periutsinut piareersarlutit
👉 2026-mi aallartigit - soqutigisatit suliffittut atulerlugit
Tusagassiornermi bachelorinngorniarluni ilinniarnerup ilaani ukioq ilivitsoq tusagassiuutit arlaanni paasissutissiisarfimmiluunniit sungiusaatigalugu sulinermut atorneqartussaavoq.
Sungiusaatigalugu ilinniartutut naqitanut, radiomut, web-imut tv-mulluunniit oqaluttuassanik suliaqaqataasartussaavutit.
Aamma ilinniarnerup iluani pingaartuuvoq tusagassiornerup imaqqortuup assigiinngitsutigut ilinniagaqarfiginissaa. Taamaattumik sungiusaatigalugu sulininni sulliviit minnerpaamik assigiinngitsut marluk misilittariaqarpatit.
Tusagassiornermik Immikkoortortap tusagassiorfiillu ilinniarnerup sungiusaatigalugu sulinertaqarnissaa pingaartittorujussuaat, tusagassiornerummi iluani piviusut misileraaffigissagakkit, deadlinet pingaarutaat paasisariaqarakku kiisalu tusagassiat amerlasoorpassuarnit takuneqarlutillu isiginnaarneqartussat suliarisartussaagakkit. Taamaattumik Tusagassiornermik Immikkoortortap qulakkeerniartarpaa ilinniartut unamminartumik ilikkarnartumillu sungiusaatigalugu ilinniarfeqarnissaat.
Sungiusaatigalugu sulliviit tamarmik ilinniarsimasumik siunnersorteqartarput taamaalillutillu sungiusaatigalugu sulisut ilinniagassatigut pilersaarusiorfigineqartarlutik taamalu sungiusaatigalugu sulinerup nalaani Tusagassiornermik atuartitsisut qanimut attavigineqartarput.
Sungiusaatigalugu sulineq akissarsiagissaarfiusarpoq. Dansk Journalistforbund aamma Naalakkersuisut tusagassiortunngorniat pillugit isumaqatigiissuteqarput akissarsiaqartitsinermi malinneqartussamik.
Tusagassiortutut ilinniagaqaruit tusagassiuutit assigiinngitsut suliffigisinnaavatit, soorlu TV-qarfiit, radiukkut aallakaatitsiviit, nittartakkanik aaqqissuisoqarfiit, aviisit aamma attaveqaqatigiinnermut immikkoortortaqarfiit il.il.
Immikkoortut aalajangersimasut iluini immikkut ilinniagaqarsinnaavutit, soorlu nunami namminermi pissutsit, nunani allani pissutsit, kulturi, pinerluttarnerit il.il.
Aamma nutaarsiassaqartitsivimmi pituttugaanak (imitittartoq) aalajangersimasumilluunniit atorfilittut sulisinnaavutit.
Ilinniagaq pillugu paasisaqarnerorusukkuit ilinniartunik siunnersuineq & Sika Brandt Wille (immikkoortortaqarfimmi pisortaq).
FACEBOOK
LINKEDIN
Assiliuk - linki
