ROSES

ROSES tassaavoq Relevance of Science Education - Second.

Suliniut ingerlanneqarpoq Kalaallit Nunaata, Savalimmiut Danmarkillu suleqatigiinneratigut. Suliniut aqunneqarpoq Professionshøjskolen Absalonimit Københavns Universitetimi Institut for Naturfagenes Didaktik suleqatigalugu.

ROSES Novo Nordisk Fondenimit tapiiffigineqarpoq. Kalaallit Nunaanni suliniut tamanna Ilinniartitsinermik Ilisimatusarfimmit aqunneqarpoq.

Pillugu

ROSES-imi misissorneqarput atuartut 15-inik ukiullit atuarfimmi atuarfiullu avataani pinngortitamik ilisimatusarneq teknologiilu pillugu misilittagaat isumaallu. Misissuinermi ukkatarineqarput atuartut atuarunnaangajalernerminni namminneq isumaat ilinniarsimasaminnillu eqqarsaatersuutaat.

Misissuinermi apeqqutit ilaatigut uku akissutissarfiginiarneqarput:

• Pinngortitamik ilisimatusarnermut teknologiimullu tunngasut suut pillugit atuartut ilinniarnerusunneruppat?

• Inuusuttut avatangiisini silallu pissusiani unamminartut qanoq isigivaat, ilorraallu tungaanut allannguisinnaasutut misigippat?

• Inuit attaveqatigiittarfii ilinniartitsiviillu qasukkarsimaarfiusut pinngortitalerinermik soqutiginninnerannut qanoq sunniuteqartarpat?

Siunertarineqartoq tassaavoq ilinniartitsisut aalajangiisartullu pinngortitaq pillugu ilinniartitsinermik ineriartortitsinissaat atuartunut naleqqunneruniassammat.

Ukkatarineqartut

Misissuinermi ukkatarineqartut makkuupput:

• Atuartut ilinniakkat suliffissallu pillugit siunissamut takorluugaat iluatinnartitaallu.

• Atuartut atuarfimmi pinngortitamik ilinniartitsinerit qanoq igineraat.

• Atuartut ilisimatusarnerup teknologiillu inuiaqatigiinnut pingaaruteqassusiat pillugu isumaat.

• Atuartut ilinniarnermi digitaliusunik atortoqarneq.

ROSES atorlugu misissuineq kulturit akimorlugit naleqqiussinissamut inuusuttullu pinngortitalerinermik aallussinissamut kajumississutigisaannik paasinninnissamut periarfissaqalissutigissavarput.

Misissuineq tamanna paasiniaaviuvoq nunallu akornanni misiligutitut unammisitsinertulluunniit isigineqassanani.

Aaqqissuussineq

2000-ikkut aallartinneranneersumik malittarinniffiuvoq nunanilu tamalaani suleqatigiissunit Sverigemit ataqatigiissaarneqartuni ingerlanneqarluni. Ilisimatusartut nunanit 50-init amerlanerusuneersut suleqataapput, nunallu tamarmik immikkut nunaminni paasissutissanik katersinernut namminneq aningaasaliillutillu ingerlatsipput. Kalaallit Nunaanni ROSES-imi suleqataaneq Ilinniartitsinermi Ilisimatusarfimmit isumagineqarpoq.

ROSES aamma Savalimmiuni Danmarkimilu ingerlanneqarpoq inuusuttut pinngortitamik ilinniartitsinernik qanoq iginninnerat kunngeqarfimmi tamarmi misissuivigisinnaaniassagatsigu.

Misissuineq

Saaffigineqartut tassaapput klassit 15-it miss. ukioqartartut (tassa 9. & 10. klassit).

Misissuinerit allat assigiinngitsorpassuarnik immikkoortoqartartut ROSES pisariunngitsumik aaqqissugaavoq. Atuartut apersuinermi immersugassanik atominut, avataarsualiarnermut, inuit attaveqatigiittarfiinut silallu pissusianut tunngasunik aalajangersimasunik akissutitalinnik immersuissapput. Aammattaaq apeqqutit ilisimatusartuugunik sunik ilisimatusarfeqassagaluarnerannut sutullu sulinissartik takorluugaannut tunngasut nammineq oqaatsit atorlugit akisassat naggasiutigineqarput.

Anguniarneqarpoq misissuinerup atuarfiup klassillu ulluinnaannut sapinngisamik akornutaannginnerpaamik misissuisoqarnissaa:

• Piffissaq atorneqartussaq: Immersugassaq atuartitsiviusup ataatsip (minutsit 40-t miss.) sivisutigineratut sivisussuseqartigisumik immersugassiaavoq, agguaqatigiissilluguli immersuinerit sivisussusii minutsit 30-iinnaapput.

• Piareersartitsisoqarneq ajorpoq: ROSES suliatsigut ilisimasat pillugit misilitsissutissaanngilaq, aamma akissutinik eqqortoqarnanilu kukkusoqanngilaq.

• Periuseq: Apersuinermi immersugassaq klassinut pinngortitamik ilinniartitsiviusussani nalinginnaasuni saqqummiunneqarsinnaallutillu ingerlanneqarsinnaapput.

Peqataanissamut akuersereerussi iliuuserisassat isumaqatigiissutigiumaarpavut, ilaatigut immersugassat agguaanneqarnissaat piffissarlu naammassineqarnissaannut killiliussaq.

Tamatuma ingerlanneranut atatillugu ilinniartitsissutissat klassimi pinngortitalerinermik oqallisissiaasut ilinniartitsisumullu misissuinermi peqataanermik pissarsiaqaatissai ilinniartitsisunut neqeroorutigissavavut.

Paasissutissat isumannaassusiat kinaassutsimillu isertuineq

Paasissutissat katersorneqartut tamarmik tamanik aamma kinaassutsimik isertuussilluinnarluni suliarineqartarput. Immersugassat katersorneqartut tamarmik immikkut assigiinngitsunik normulersorneqassapput, aamma atinik atuarfinnilluunniit nunani tamalaani paasissutissanik katersivinnut ingerlatitseqqiisoqarnavianngilaq. Paasisat saqqummiunneqassapput inuit atuarfiilluunniit ataasiakkaat ilisarnannginnerannik qulakkeerilluinnarluni.