Soorunami Kalaallit Nunaat illersornissaq pillugu politikkeqarpoq - atasinnaassagunili sorlaqartariaqarpoq

DIIS Policy Brief "Soorunami Kalaallit Nunaat illersornissaq pillugu politikkeqarpoq - atasinnaassagunili sorlaqartariaqarpoq" Sara Olsvig & Ulrik Pram Gad atuakkiarineqartoq saqqummersinneqaqqammerpoq.

Oqaluttuarisaaneq qiviaraanni danskit aalajangiisarnerminni kalaallit soqutigisaat salliutittuaannarneq ajorpaat.

Naak illersornissamut tunngasut inatsisit naapertorlugit Naalagaaffiup akisussaaffigigaluarai, aatsaat akuersaarneqarsinnaalersarput Kalaallit Nunaata aalajangiiffigeqataappagit.

Tassami sakkutooqarfeqarneq tassungalu atatillugu pisartut Kalaallit Nunaanni inuiaqatigiit ingerlanerannut annertuumik sunniuteqarput.

Naalagaaffiit pissaanilissuit Issittumi pissaaneqarniunnerisa annertusiartornerata Naalagaaffeqatigiit pissutsinut assigiinngitsunut isummertussanngorlugit pisussaaffilerpaa.

Danmarkip Kalaallillu Nunaata tamarmik immikkut erseqqissartariaqarpaat, nunarsuarmioqatigiit akornanni qanoq inissisimajumanerlutik, ataatsimoorlutillu akisussaaffiit agguagaanerat ataqatigiissaarinerlu eqqarsaatigeqqillugit.

Taamaaliunngikkunik eqqisseqatigiinnermut peqataanatik aporaannerulernissamut pisooqataalersinnaapput - Kalaallit Nunaatalu pissaanilissuarnit soqutigineqarneruleqqinnerup nassatarisinnaasai pitsaasut pissarsiarinngitsoorataannaallugit.