Gitte Adler Reimer nersornaammik Ridderkorsimik saqqarmiortaartinneqartoq

Ulloq juulip sisamaat 2024 Ilisimatusarfiup rektorianut Gitte Adler Reimerimut puigunaatsunngorpoq - ullormimi tassani taanna ataqqinartorsuarmit Kunngi Frederik X-imit Ridderkorsimik saqqarmiortaartinneqarpoq.

Ataqqinartumik nersornaasigaaneq tamanna Gitte Adler Reimerip Issittumi ilinniartitaanerup ilisimatusarnerullu siuarsarniarlugu immikkuullarilluinnartumik sulinermigut tunniussaqartarneranut qasusuillunilu sulineranut nersuineruvoq.

2017-imi Gitte Adler Reimer rektorinngortinneqaramili Ilisimatusarfiup ineriartornerani pingaarutilittut inissisimasimavoq - tassanilu Ilisimatusarfiup Kalaallit Nunaanni nunanilu tamalaani inissisimaffia annertuumik nukittorsarneqarsimavoq.

Ilinniartitaanerup pitaassuseqarnissaa, ilisimatusarnermi ingerlassat annertusarneqarnissaat aamma Ilisimatusarfiup nunatsinni nunanilu allani inuiaqatigiinnut atassuteqarnerata nukittorsaavigineqarnissaa pillugit Gitte Adler Reimer imminnut tunniusimasimavoq.

Gitte Adler Reimer nersornaammik saqqarmiortaartinneqarnerani Ilisimatusarfiup tamarmi pilluaqqungaarpaa.

Rektori Gitte Adler Reimer assimi saamerlermi nikorfavoq.