Aallartiinnarianngorpoq!

Ukiut tamaasa ilinniarfiit, kattuffiit, naalakkersuisoqarfiit aamma suliffeqarfiit ukiumoortumik ilinniartitaaneq pillugu paasititsiniaalluni angalanermi katersuuttarput.

Ilinniartitaaneq pillugu paasititsiniaalluni angalaneq ukiorpassuarni ileqquuvoq Kalaallit Nunaanni sumiiffinni assigiinngitsuni ingerlanneqartartoq. Siunertaq tassaavoq nunatta inuusuttaanik toqqaannartumik oqaloqateqarnissaq - siunissamilu periarfissaannik neriuginartumik ersarissumik takunnissinnaalertinnissaat.

Ukioq manna nunatsinni sumiiffinni arlalinni Ilinniartunik Sullissivitsinni suleqativut pikkoreqisut naapinneqarsinnaajumaarput - Ilisimatusarfimmilu ilinniartuuneq; ilinniakkat suut neqeroorutiginerivut, ilinniartutut inuuneq allarpassuillu pillugit apeqqutit akisinnaajumaarpaat.

Sumiiffinni arlalinni naapinnissarsi qilanaaraarput.