Ilinniakkat aallartinnerat 2024
Ullumi septembarip aappaani 2024 Ilisimatusarfimmi nalliuttorsiorpugut - ilinniakkammi aallartinnissaannut kiisami piffissanngorpoq
Tumerparpaarpalaaq aallartippoq pappiaramernillu nalliuttorsiornermi milluutigineqartartut aallartinneqarput!
Ullumi septembarip aappaani 2024 Ilisimatusarfimmi nalliuttorsiorpugut - ilinniakkammi aallartinnissaannut kiisami piffissanngorpoq (ilinniakkat aallartinnerannut pilersaarut ugguuna takuuk).
Ilinnialertussaativut tamarmik tikilluaqqunissaat qilanaarisimaqaarput.
Ileqqoq malillugu assammilluni tikilluaqqusinermik ulloq ilaatigut aallartinneqarpoq, tassani rektorip ilinnialertut nutaat ilisimatusarnerup silarsuaanut tikilluaqqullugit ilassivai - soorluttaaq ilinniartuutitta ilinnialerfimminnut ilisaritinneqarnerat aallartittoq.
Ilinnialerlaatsinnut tamanut:
Ilisimatusarnerup silarsuaanut pissanganartunik misigisaqarfiulluarfiusussamut tikilluaritsi!
Ilinniartutut inuuneq tamatta - kammalaatigiinnernik ilisimasanillu amerlasuunik imaqartoq - nuannersuujuartitsigu.
Inatsisilerinermi kandidatitut ilinniagaq nutaaq
Ukioq manna tulluusimaarnerulersinnaavugut aatsaavissuaq Inatsisilerinermi kandidatitut ilinniakkamik neqerooruteqarsinnaaleratta - tassanilu kandidatinngorniarlutik ilinnialertussat 12-it nuannaarutigisatsinnik tikilluaqqusinnaanngorpavut.
Inatsisilerinermi ilisimasanik sukumiinerusunik aamma inatsisilerinermi apeqqutinut arlariiaanik ajornartorsiutilinni aqqutissiuinissamut piginnaasassanik atorfissaqartinneqartunik ilinniartunit pissarsivissatut ilinniagaq ilusilersugaavoq.
Kandidatitut ilinniagaq una nutaaq aamma ilinniakkap nunatsinni inuiaqatigiinnut pingaaruteqassusaa nuannaarutigeqaavut. Inatsisilerituunik piukkunnaatilinnik atorfissaqartitsineq annertuvoq - kandidatitullu ilinnialertussaatitta nunatsinni inuiaqatigiinnut tapersiisinnaanngornissaat qilanaaraarput.
Ilinniagaq akuerisaasut 2024
Ilisimatusarfimmi ilinniakkani ilinnialerlaat qassiunersut ataani takukkit!
| Ilinniakkat | Ilinniagaq akuerisaasut 2024 | Ilinniagaq akuerisaasut 2023 |
|---|---|---|
| Inuussutissarsiornermi aningaasaqarnermut ilisimatusarneq (bacheloritut) | 23 | 21 |
| Tusagassiortoq (bacheloritut) | 12 | (*) |
| Inatsisilerineq (bacheloritut) | 16 | 22 |
| Inatsisilerineq (kandidatitut) | 12 | (**) |
| Inuiaat kulturiat oqaluttuarisaanerallu (bacheloritut) | 19 | 23 |
| Inuiaat kulturiat oqaluttuarisaanerallu (kandidatitut) | 1 | 1 |
| Ilinniartitsisoq (bacheloritut) | 32 | 49 |
| Nutserisoq oqalutsilu (bacheloritut) | 17 | 15 |
| Inuiaqatigiilerineq (bacheloritut) | 13 | (***) |
| Inuiaqatigiilerineq (kandidatitut) | 11 | 8 |
| Isumaginninnermut siunnersorti (bacheloritut) | 19 | 20 |
| Oqaasilerineq, atuakkialerineq tusagassiuutilerinerlu (bacheloritut) | 15 | (***) |
| Oqaasilerineq, atuakkialerineq tusagassiuutilerinerlu (kandidatitut) | 1 | 1 |
| Peqqissaasoq (bacheloritut) | 16 | 11 |
| Teologi (bacheloritut) | 7 | 7 |
(*) Ukiut allortarlugit Tusagassiornermi bacheloritut ilinniakkami taamaallaat ilinnialertussanik akuersisoqartarpoq.
(**) Inatsisilerinermi kandidatitut ilinniakkami ilinnialertut siullerpaat 2024-mi akuerineqarput.
(***) Ilinniakkat aaqqissugaanerisa aaqqissuuteqqinneqarneri 2024-mi atuutilersinneqartussat peqqutaallutik Oqaasilerinermi, Atuakkialerinermi Tusagassiuutilerinermilu bacheloritut ilinniakkami 2023-mi ilinnialertussanik akuersisoqanngilaq.
FACEBOOK
LINKEDIN
Assiliuk - linki
