Uumassusilerinermi SILA-mi bacheloritut ilinniagaq pillugu paasissutissiilluni ataatsimiisitsinerit

Ilinniagaq nutaaq uumassusilerinermi SILA-mi bachelori pillugu aasap ingerlanerani Ilisimatusarfik marloriarluni paasissutissiilluni ataatsimiisitsinikuuvoq.

Tassani peqataasut ilinniagaq qinnuteqariaaserlu pillugit paasisaqarnerunissaminnut periarfissinneqarput.

Paasissutissiilluni ataatsimiisitsinerit peqataasoqarluarsimapput, soqutigineqarneralu nuannaarutigingaarparput.

Paasissutissiilluni ataatsimiisitsinernut peqataasinnaasimanngikkuit ernummassanngilatit.

Ilinniagaq taanna nutaaq pillugu nittartakkatsinni paasisaqarnerusinnaajuarputit (apeqqutissaqassaguit attaveqarfissat tassani aamma nassaarisinnaavatit) - qinnuteqarnissamut periarfissaq aamma suli ammavoq.

Uumassusilerinermi SILA-mi bachelorimi ilinnialernissamut qinnuteqarnissamut killigititaq tassaavoq novembarip aallaqqaataat 2024, ilinniagarlu februaarip aallaqqaataani 2025 aallartissaaq.

Ugguuna ilinniagaq pillugu atuarnerugit.