Issittoq pillugu ilisimatusarnerit millionilikkuutaanik tapiiffigineqalersut

Issittoq pillugu ilisimatusartunut nutaarsiassatsialaqarpoq: Danmarks Frie Forskningsfond-imi Issittoq pillugu ilisimatusaatigalugu suliniutinut sammisakkuutaartunut aningaasaliinissaminut allagarseeqqammerpoq - aningasaateqarfillu katillugit 46,5 mio. kr.-inik tapiissutissaqarpoq.

Ilisimatusaatigalugu suliniutit immikkut 5 mio. kr.-it tikillugit qinnuteqarsinnaapput (overhead minillugu), qinnuteqarfissatullu killigititaq tassaavoq septembarip 3-at 2025.

Suliniutit siusinnerpaamik martsip 1-ani 2026 kingusinnerpaamillu decembarip 1-ani 2026 aallartinneqarsinnaapput.

Anguniagaq pingaarnerpaaq tassaavoq silap pissusiata allanngoriartorneranik tamatumalu - uumassusillit assigiinngisitaarnerannut, pinngortitami ataqatigiiaanut, kulturikkut kingornussanut aamma inuunermi atukkanut - kingunerisaanik paasinninnerunikkut Issittumi piujuartitsisumik ineriartortitsinermut tapersiinissaq.

Tamanna ilutigalugu najugaqarfinni innuttaasut aamma nunap inoqqaavisa peqataatinneqarnissaat kiisalu piginnaasatigut annertusaanissaq annertuumik ukkatarineqarpoq.

Programmi siammasissoq pineqarpoq, suliassaqarfiillu pingaarnerit tamaasa iluanni - taakkualu akimorlugit - qinnuteqartoqarsinnaavoq.

Kisianni illit qinnuteqartutut piumasaqaatit eqqumaffigisassatit ilaat aalajangersimasuupput:

• Qinnuteqaatinni minnerpaamik ph.d.-nngorniaq imaluunniit postdoc ataaseq ilaassaaq. Suliniutip ilisimasanik nutaanik taamaallaat pilersitsiinnannginnissaa - aammattaarli kinguaariinni tulliuttuni ilisimatooqalernissaa tamatuma qulakkiissavaa.
• Ilisimatuutut misissuivinnit minnerpaamik assigiinngitsunit marlunnit ilisimatusartut suleqatigissavatit.
• Tapiliussami nassuiassavat najugaqarfinni innuttaasunik aamma / imaluunniit nunap inoqqaavinik peqataatitsinikkut suliniut piginnaanngorsaanermut qanoq tapersiissanersoq.
• Aamma allagarsiussami uani sammisap, tassa Issittumi ilisimatusarnerup nukittorsarneqarnissaanut atatillugu suliniutit qanoq iluaqutaassanersoq - qanorlu sammisamut tunngatillugu piumasaqaatinik eqquutsitsinersoq - tigussaasumik nassuiassavat.

Soqutiginartippiuk - suleqativilluunniit soqutiginartissavaat?