Qinnuteqarnissamut killigititaq qaangiuppoq - maannalu suliaq annertooq aallartileruttorparput

Ulloq martsip 1-at tassaavoq Kalaallit Nunaanni ilinniakkanut qinnuteqarnissamut killigititaq, tamannalu nallereermat suliassat pissanganartut pingaaruteqartullu aallartippagut.

Ilisimatusarfik ilinnialerusuttunit amerlangaartunit qinnuteqaatinik pissarsisimavoq, maannalu qinnuteqaatit atuarlugit, nalilersorlugit qinnuteqartullu neriulluartut amerlasuut akornanni toqqaanermik suliaqarnerput pimoorussilluta aallartileruttorparput.

Piffissaq tamanna sulianik aallussaqarfiullunilu kajuminnarpoq.

Qinnuteqaatit - neriuutit, angusaqarusussutsit inuttullu anguniakkat pillugit - tamarmik immikkut oqaluttuassartaqarput.

Qinnuteqartut nutaat tunuliaqutaat aamma siunissamut takorluugaat assigiinngisitaartut Ilisimatusarfiup paasisaqarfigisinnaammagit nuannaarutigeqaa.

Qinnuteqaatit misissorneranni suliaq annertusarpoq - qinnuteqartullu tamarmik immikkut piukkunnaataat naammalluartumik naapertuilluartumillu nalilersorneqarnissaasa qulakkeerneqarnissaat ilinniartunik sullissivitta aallutileruttorpaat.

Ilinnialertussanik akuersinnginnermi suliani isumagisassat amerlasarput - Ilisimatusarfiullu tamatuminnga suliaqarnerup qinnuteqartunullu tamanut akissutinik nassiussisoqarnissaa maajip 15-iat 2025 tikitsinnagu pissasut naatsorsuutigaa.

Qinnuteqartullu ilinnialernissartik qilanaaralugu utaqqinerminni pissangasaqaat.

Ilisimatusarfimmullu piffissaq tamanna ima isumaqarpoq peqatigiinnitsinnut ilinnialertussat kinguaariit nutaat ilaalissasut taakkualu nunatta siunissaannik ilusilersueqataanissaminnut periarfissaqalissapput.

Qinnuteqaatit suliarineri naammassippata kapitali nutaaq aallartissaaq, tassani ilinnialertussat nutaat tikilluaqquneqassapput ilisimatusarnerullu silarsuaani - periarfissanik unammiIlernartunillu ulikkaartumi - Ilisimatusarfimmi ilaalissallutik.

Ilisimatusarfimmut ilanngunnissamut siullerpaamik alloriartusi tamassi qujanaq.

Peqatigalusi tullissaanik alloriarnissarput qilanaaraarput.