Trump imaluunniit Harris?

Amerikamiut præsidentissaminnik qinersinissaat - Vicepræsidentip Kamala Harrisip aamma Republikanerit qineqqusaartuata Donald Trumpip naligiikannerfigisaat - paasisaqarfigineruguk.

Aaqqissuussaq marlunnut avinneqarumaarpoq, qineqqusaartullu immikkut akunnermik ataatsimik periarfissinneqassapput.

Aaqqissuussap affaani siullermi Amerikamiut qinerseriaasiat, isumasiuinerit aamma 'swing states'-inik taaneqartartut assigiinngitsut qinersinermut aalajangiisuusinnaasut sammineqassapput.

Aaqqissuussap affaata aappaani oqallinnermi nunanut allanut politikki, aningaasaqarneq aamma pisinnaatitaaffiit sammineqassapput - qinersinerup Kalaallit Nunaannut qanoq isumaqarumaarnera aammattaaq aallunneqassaaq.

Aaqqissuussap ingerlanerani apeqquteqartoqarsinnaavoq, aammattaaq nerisaqartitsisoqarumaarpoq.

Paasisimasallit oqallitsinneqarnerat qallunaatut tuluttullu ingerlanneqassaaq.