Kalaallit Nunaat - qangaanerusumit inuiaqatigiinnut nutaanerusunut ingerlaarneq

Nasiffik - Nunanut Allanut Sillimaniarnermullu Ilisimatusarfik, Issittumi Inuiaqatigiilerinermik Aningaasaqarnermillu Ilisimatusarnermut Immikkoortortaq aamma Inuiaat Kulturiannut Oqaluttuarisaanerannullu Immikkoortortaq tamanut ammasumik oqalugiartitsisoqarnissaanut aggersaapput. Tassani Mira Kleist, Bo Lidegaard aamma Jens Heinrich atuakkiartik una nutaaq pillugu oqaluttuassapput: "Grønland - en rejse fra de tidligste tider til et moderne samfund".

Aaqqissuussaq pingasunngornermi maajip 21-ani 2025, nal. 17.00 - 19.00 Ilisimatusarfiup auditoriaani ingerlanneqassaaq.

Naalagaaffissuit akunnerminni Kalaallit Nunaannik politikkikkut pilerngutileruttorneranni oqalugiartussat 2025-mi martsimi atuakkiartik "Grønland - en rejse fra de tidligste tider til et moderne samfund" saqqummersippaat.

Atuakkami naatsumi tassani kalaallit oqaluttuartinneqartut najoqqutarineqartullu pingaarnertut aallaavigalugit Kalaallit Nunaata oqaluttuarisaanera sammineqarpoq.

Oqaluttuarisaanerli tamaanga killinngilaq.

Oqalugiartussat atuakkiornermik suliaqarnertik oqaluttuarissavaat, atuakkami pingaarnertut sammineqartut pingaarnersiussavaat aammattaaq ukiup affap kingulliup ingerlanerani Kalaallit Nunaannik pilernguttoqarnera pillugu oqaluttuarisaanikkut isiginnittaatsitik aallaavigalugit ilassuteqassapput.

Aaqqissuussamut kikkulluunniit tikilluaqqusaapput - teeqarlunilu, kaffeqarlunilu kaageqarumaarpoq.

Mira Kleist Namminersorlutik Oqartussat nunanut allanut tunngasunik suliaqarfianni, FN-imi aamma danskit illersornissamut ministereqarfianni sulinikuuvoq. Maanna silap pissusianut tunngatillugu politikkimut siunnersortitut sulivoq.

Bo Lidegaard oqaluttuarisaanermik ilisimatuujuvoq oqaasissaminik silatusaarluni pisartoq aammattaaq oqaluttuarisaanermut tunngasunut amerlasuunut atuakkiortuuvoq - ilaatigut Henrik Kaufmannimut aamma illersornissaq pillugu USA-mik isumaqatigiissuteqarneq aallaavittut 1941-meersumut tunngasunut.

Jens Heinrich oqaluttuarisaanermik ilisimatuujuvoq Danmarkimilu Kalaallit Nunaata Sinniisoqarfiani pisortaalluni.