Innuttaasunik ilaasitsilluarneq qanormita isikkoqarsinnaava aatsitassarsiornermi, avatangiisinit nukinnik atuinermi pinngortitallu eriagineqarnissaannut tunngasuni?

Anguniagaq, ingerlatseriaasissat imarisaalu

Siunertaq tassaavoq isummersoqatigiinnissaq innuttaasunik ilaasitsilluarsinnaanissaq qanoq isikkoqarsinnaanersoq. Tamannalu ilisimatusaatigineqarsimasunit paasisanik tunaartaqarluni, siunnersuutinik qanoq tamanna ingerlanneqarsinnaaneranut siunnersuuteqartoqassaaq. Ilaasussat periarfissinneqassapput misilittakkatik tunngavigalugit ilisimasaminnik anngussinissaminnik, innuttaasunik peqataasitsilluarneq qanoq ittuusinnaanersoq, taamatuttaaq siunnersuutigineqartut ilaasitsilluarnermut isummerfiginissaannut.

Ingerlatseriaasissaq: Qaaqqusisunit saqqummiussinerit peqataasuniillu isummersoqatseqarnissaq.

Isummersoqatigiinnissaq ilisimatusartunit Handelshøjskolen I København (Copenhagen Business School/CBS)-imeersunit aqunneqassaaq ilisimatusartuniillu Ilisimatusarfimminngaanniit, ilisimatusarfinniillu ukunani nunaniit suleqatigiiffigineqartunit; Danmark-i, Island-i, Norge, Finland-i Canadamiillu, inuttaasunillu taakkunani apersuinertsigut ilisimalikkat inuttaasunik ilaasitsilluarnerup qanoq ittuuneranik misissuisimanerit tunngaviussapput.

Imarisassaa

• Ilisimatusarsimanerup inernerisimasaat saqqummiunneqassapput taakkununngalu siunnersuutit

• Peqataasut isumasiornerisigut innuttaasunik peqataatsitsilluarnerup suut ilisarnaatigisarnerai, qanorlu isiginnitaaseqarnerat pisamut tunngatsillugu

• Peqataasuniit allannguutissatut siunnersuutit ilisimatusartut siunnersuutaannut

• Naggataanullu isumasioqatigiinneq siunnersuutigineqartut qanoq inuiaqatigiinnut siammartinneqarnissaat

Sallaassiissutissat

Kaffe, tii kaagilu.

Peqataanissamut nalunaarnissaq

Piareersaanissaq eqqarsaatiginerullugu kissaatiginarpoq Karin Buhmann-imut CBS (kbu.msc@cbs.dk) kingusinnerpaamik tallimanngorneq Oktoberip 17-iat pitsinnagu mail-ikkut nalunaarnissaq isumagineqassasoq.

Ilisimatusaat pillugu isumasioqatigiinnissamullu tunngasunut paasissutissat

Ilisimatusaatigalugu sammisaq Karin Buhmann-imit, Copenhagen Business School-imi Business & Human Rights-imi professoriusumit siuuttuuffigineqartoq nunanilu Avannarlermiunit Canadarmiunillu peqatigineqarluni suliaavoq. Nunat Avannarliit Siunnersuisoqatigiivinit taperneqartoq Issittumi suleqatigiinnissamit.

Isumasioqatigiinnissaq Rachael Lorna Johnson, Ilisimatusarfimmut, Akureryi University-mullu attuumassuteqartumit, Rikke Østergaard-imit, Ilisimatusarfimmiit, Åsa Rennermalm, Rutgers University-miit, Karin Buhmann-imit, Copenhagen Business School suleqatigiiffigineqartumit piareersarneqarpoq. Rachael, Rikke Åsa-lu Fulbright Arctic Initiative IV-mi ilisimatusarnertik ingerlataraat.