Angutit anguterpalussuserlu pillugit oqalugiaat

Angutit anguterpalussuserlu pillugit oqalugiaat Roskildep ilisimatusarfianit lektori Kenneth Reinicke peqatigalugu Inersuarmi maajip 11-ani nal. 14.00.

Ullumikkut angutit qanoq paasisarpavut, nunarsuarmilu allanngoriartortumi anguterpalussusaat qanoq ilusilerneqartarpa?

Oqalugiaammi uani angutit anguterpalussuserlu pillugit ilisimatusarnerma ilaa saqqummiunniarpara anguterpassuarnut ilungersunarsinnaasut periarfissallu ilaat qitiutillugit.

Anguterpalussuseq pillugu ilisimatusarnermi angutit kinaassusaat, isumaat ingerlatsinerallu pineqarput, suiaassuserlu aallaavigalugu angutit inuunerannik aaqqissuussamik ilisimasaqarnissaq pisariaqarnerujartorpoq.

Angutillu inuiaqatigiinni arlalissuartigut qaangiataarneqartarput, tamannalu apeqqutinik isiginnittaatsimillu nutaamik ammaassivoq.

Oqalugiaammi ullumikkut angutinik paasinnittaatsit assigiinngitsut samminiarpakka: angutit qanoq suiaassusaat illersukkatut saqquminngitsutullu isigineqarsinnaava saniatigullu suaassutsitut immikkoortinneqartutut ingasattutullu isigalugu.

Pingaaruteqartut ilagaat angutit ajoartianermik ataatsimoornermillu misilittagaat. Inuppassuit ima misigisarput ajornakusoortut oqaluuseriuminaattartut, tamatigullu paasineqartuaannaratik.

Ajornartorsiutit soqutaannginnerarneqarsinnaapput imaluunniit quassuaatigineqarlutik, ajortianermillu takutitsineq kisimiinnermik kinguneqaratarsinnaavoq ingammik angutit silarsuaani.

Sammerusutamalu ilagaa #MeToo-mi oqallinneq qanoq angutinik anguterpalussutsimillu ilisimatusarneq sunnerneqarsimanersoq ilisimatusarnikkullu isiginneriaatsimik allatut ittumik ammaassilluni.

Oqalugiaatip ilaattut aamma Kalaallit Nunaanni anguterpalussuseq, isumassuineq silaannaallu allanngoriartornera pillugit saqqummiussiniarpunga Ilisimatusarfimmi Center for Arktisk Velfærd - Isssittumi atugarissaarneq pillugu ingerlatsivik - peqatigalugu. Matumani Steven Arnfjord peqatigalugu misissorniarpara inuiaqatigiinni silallu pissusaata allanngoriartornerisa nalaanni qanoq angutit atuuffimmikkut kinaassutsimikkullu iluseqalersarnersut, qanorlu akisussaassutsimik, isumassuinermik ataatsimuussutsimillu paasinninnerit nutaat pilersarnersut.