Ilisimatusarfimmi ilinniarnerit aallartinneri

Ilinniartuutivut illinnialertussaativullu tamarmik aallarniutitut ulluni septembarip 2-aniit 4-nut 2024 tikilluaqqunissaat qilanaareqaarput (Ilinniartitsisunngorniarlutik ilinnialertussat nutaat aggustip 14-iani 2024 aallartissapput).

Paasissutissat

• Kollegieni init: Kollegieni init pillugit apeqqutissaqaruit taava Ilinniartut Ineqarfiisa Allaffeqarfiat attavigissavat. Nuummi innuttaasuuguit taava Nuummi Majoriaq attavigissavat.
• Ilinniagaqarnersiutit & angalanissaq: Ilinniagaqarnersiutit imaluunniit Nuummut angalanissaq pillugit apeqqutissaqaruit taava Ilinniartunik Sullissivik uunga attavigissavat studieadm@uni.gl.
• Apeqqutit suliassaqarfimmut tunngasut: Ilinnialerfissat pillugu apeqqutissaqaruit taava ilinnialerfissanni immikkoortortaqarfimmi pisortat attavigissavat.

Inussiarnersumik Inuulluaqqusilluta Ilisimatusarfimmit tamatta.