Suliniut Uppik

Suliniut Uppik ilisaritissinnaagatsigu tulluusimaarutigaarput - Ilisimatusarfimmi campusimik alliliinissamik suliniut annertooq pissanganartorlu, TNT Nuup suleqatigineratigut aallartissimasarput.

Suliniut una Ilisimatusarfimmut pingaaruteqaqaaq - ingerlaarneranillu avitseqatigerusuppatsigit, taamaasillunilu ersarissuunissaq aamma ammasuunissaq qitiutinneqarput.

Siunissamut takorluugaq

Ilikkariartornermik, ilisimatusarnermik peqatigiinnermillu siuarsaaffiusumik campusimi ullutsinnut naleqquttumik avatangiiseqarnissaq Suliniummi Uppimmi takorluugaraarput.

Aaqqiissutit ingerlassinerillu nutaaliortut illuutissanik ilusilersuinermut ilanngunnissaat anguniarparput. Tamanna ilutigalugu naleqartitat aamma ileqquliussat Ilisimatusarfimmik immikkuullarissuutitsisut atatiinnarnissaat nukittorsarnissaallu kissaatigaarput.

Ammasumik periuseqarneq & attaveqateqarneq

Suliniutip Uppip ingerlanera tamakkerlugu ammasuunissap pingaaruteqassusaa ilisimavarput.

Taamaammat suliniutip siuariartornera pillugu nittartakkatsinni ingerlaavartumik nutaarsiassiillutalu paasissutissiortarumaarpugut - peqatigiilluta Ilisimatusarfiup siunissaanik ilusilersuinnaajumalluta kikkut tamarmik oqallinnermut malinnaanissaat peqataanissaallu kaammattuutigaarput.

Nakkutilliisuutitat

• Ilisimatusarfik, rektori - Gitte Adler Reimer

• Pinngortitaleriffik, siulersuisuni siulersuisoq - Gert Mulvad

• Pinngortitaleriffik, pisortaq - Josephine Nymand

• Ilisimatusarfik, siulersuisuni siulersuisoq - Eyjólfur Guðmundsson

• Nunatta Katersugaasivia Allagaateqarfialu, pisortaq - Daniel Thorleifsen

• Ilinniartitaanermut, Kulturemut, Timersornermut Ilageeqarnermullu Naalakkersuisoqarfik, Naalakkersuisoqarfimmi pisortaq - Nuka Kleemann

• Ineqarnermut Attaveqaasersuutinut, Isorliunerusunullu Naalakkersuisoqarfik - Embla Kristjánsdóttir / Robert Høegh

• Sanarfinermut Avatangiisinullu Ingerlatsivik, Kommuneqarfik Sermersooq - Søren Sohn Krog Pedersen

• Adjungeret professori, Ilisimatusarfik - Morten Meldgaard

• Forskningskoordinatori, Ilisimatusarfik - Clement Pindstrup Scavenius