Nersornaatit

Ataqqinaamik doktorinngortinneqarsimasut

Ilisimatusarfik ukiut tamaasa ileqqutoqqanik pingaartitsilluni nalliuttorsiortarpoq, tassani universitetip tunngavilerneqarnera malunnartinneqartarluni, aamma ullormi tassani universiteti ataqqinaamik doktorinngortitsisarpoq. Ataqqinaamik doktorinngortitsineq Ilisimatusarfimmi ilisimatuutut misissuiffiusut iluanni, inunnut ilisimatusarnermut immikkut takutitsisimasunut nersortarialinnullu tunniunneqartarpoq, tassalu ilisimatusarnermut atatillugu qaffasinnerpaamik ataqqinaaserneqarnissaat pissusissamisoortutut isigineqaraanngat.

Ataqqinaamik doktorinngortinneqartussatut piumasaqaat tassaavoq, pineqartoq annertuumik pingaarutilimmillu nunat assigiinngitsut akornanni suliniuteqarsimassasoq. Ilanngullugu pineqartoq Ilisimatusarfimmi nalinginnarmik pingaarutilimmik ilisimatuutut misissuillunilu ilisimatusartunik ilinniartitsisimassaaq, tikeraartitut ilinniartitsisimassaaq imaluunniit nunat assigiinngitsut akornanni ilisimatusarnermut atatillugu suleqatigiinneq aqqutigisimassavaa – imaluunniit pineqartoq aqqutissat allat atorlugit ukiuni amerlasuuni inuiaqatigiit ineriartornerannut suleqataasimassaaq.

Ataqqinaamik doktorinngortinneqarnerup saniatigut pineqartut kalaallit kuultiutaanik saqqarmiumik tunineqartarput.

Siusinnerusukkut ataqqinaamik doktorinngortinneqarsimasut tassaapput:

2025

Klaus Nygaard & Mariane Petersen (posthumt)

2023

Carl Christian (Puju) Olsen, Marianne Stenbæk & Minik Rosing

2021

Aqqaluk Lynge

2019

Sofie Petersen

2017

Jakob Janussen

2015

Gert Mulvad & Inge Kleivan

2014

Christian Berthelsen

2013

Finn Lynge

2012

Henrik Wilhjelm

2011

Michael Hauser

2010

Robert Petersen

Ridderkorsi

2024

Ulloq juulip sisamaat 2024 Ilisimatusarfiup rektorianut Gitte Adler Reimerimut puigunaatsunngorpoq - ullormimi tassani taanna ataqqinartorsuarmit Kunngi Frederik X-imit Ridderkorsimik saqqarmiortaartinneqarpoq.

2021

Oktobarip 9-ani 2021 Ilisimatusarfimmi Ataqqinartorsuaq Dronning Margrethe kristumiussutsip Kalaallit Nunaannut eqqunneqarneranit ukiut 300-nngornerannik malunnartitsisoqarnerani peqataavoq. Aage Rydstrøm-Poulsen, tamatumunngalu atatillugu ridderkorsimik saqqarmiulerneqarpoq.