Tusagassiuutinut nalunaarut

Marlunngorneq septembarip aallaqqaataat Ilisimatusarfimmi rektori Tine Pars Ilimmarfiup kantiinaani ilinniartunik nutaanik tikilluaqqusissaaq. 

Ilinniartut katillutik 177-it Ilisimatusarfimmi ilinniarneqarsinnaasuni qulini agguataarsimasut ukioq manna ilinniarnertik aallartissavaat.

Ilisimatusarfik ukioq manna GUX-ini ilinniarnertuunngortut 58 %-iisa missaannik ilinniartoqalissaaq. Ilisimatusarfimmi ilinniagaqalernissamik soqutiginninneq ukiuni kingullerni annertuneruleriartorpoq, ilinniartullu amerliartuinnarnerat rektor Tine Pars’ip nuannaarutigaa.  

Tine Pars: Ilinniakkamik naammassinninniaraanni nammineersinnaaneq, inerisimaneq tunniutiinnajuissuserlu pisariaqarput.

Ilinniartut nutaat Ilisimatusarfimmiit annertuumik piumaffigineqarneq misigissavaat. Ilinniartut oqaatsitigut pikkorissuusariaqarput atuagassallu annertuut sukkasuumik sukumiisumillu atuarsinnaassallugit, isumaliutigisinnaassallugit nutaanillu namminneq pilersitaminnik ataqatigiissitsisinnaassallutik.

”Tamanilli pingaarnerpaavoq tunniutiinnajuitsuunissaq – aamma artornartorsiorfinni”, rektor oqarpoq.  

Inuussutissarsiornermi aningaasaqarneq pillugu ilinniagaq nutaaq.

Ukioq mannattaaq inuussutissarsiornermi aningaasaqarneq pillugu Ilisimatusarfimmi ilinniakkamut nutaamut ilinniartut nutaat 19-it rektorip tikilluaqqusussaavai. Ilinniartitaaneq taanna pingaartumik inuussutissarsiutini namminersortuni suliffissanik periarfissiisussaavoq. Ilinniakkaminnik naammassinnittut soorlu assersuutigalugu naatsorsuuserinermut aningaasaqarnermillu aqutsinermut tunngasuni, aningaasaliinernut tunisivissarsiornermullu tunngasuni suliffittaarsinnaapput. Ilinniartitaaneq taanna kalaallini inuiaqatigiinni annertuumik pisariaqartinneqarpoq.

Ukioq manna aallartissapput:

• Inuiaat piorsarsimassutsillu oqaluttuarisaaneranik ilinniagaqartussat / Kultur-og Samfundshistorie: 19
• Nutserinermut Oqaluttaanermullu Ilinniarfimmi / Oversættelse og Tolkning: 11
• Inuiaqatigiilerisussat / Samfundsvidenskab: 14
• Oqaasilerinermut, atuakkialerinermut tusagassiuteqarnermullu ilinniartussat / Sprog, Litteratur og Medier: 10
• Isumaginninnermi siunnersortinngorniat / Socialrådgiveruddannelsen: 20
• Peqqissaasunngorniat / Sygeplejeuddannelsen: 15
• Tusagassiortunngorniat / Journalistuddannelsen: 6
• Upperisarsiornermik Ilinniarfimmut / Teologiuddannelsen: 6
• HA: 19
• Ilinniartitsisunngorniat / Læreruddannelsen: 57, og 12 på den decentrale læreruddannelse

Annertunerusumik paasisaqarusukkaanni attavissaq: Rektori Tine Pars, tlf +299 38 56 02, email: tipa@uni.gl.

Herunder er der nogle udvalgte billeder fra studiestart 2015.