Ilisimatusarfimmi atorfinnik nittarsaassineq

Ilisimatusarfimmi ingerlalluaqisumik atorfinnik nittarsaassititseqqammerpugut.

Atorfinnik nittarsaassineq ukioq manna allatulaaq ingerlanneqarpoq - tassa piffissami sivisunerusumi nittarsaassititsigatta: 2022-mi novembarip 7-ianniit 25-annut ulluinnarni tamani nal. 11.00 - 13.00 imaluunniit nal. 12.00 - 14.00 Ilisimatusarfiup kantiinaani.

Atorfinnik nittarsaassinerup piffissami sivisunerusumi allatulaaq ingerlanneratigut sulisitsisut ilinniartuutitsinnut eqqissillutik piffissaqarnerusinnaapput - ilinniartuutivullu suliffeqarfiit peqatigiiffiillu assigiinngitsorpassuit piffissap sivisunerusup ingerlanerani ilisimasaqarfigillualersinnaavaat.

Suliffeqarfiit peqatigiiffiillu peqataasut tamaasa tapersersuinerat peqataanerallu pillugit qutsavigaavut:

• Meeqqanut, Inuusuttunut Ilaqutariinnullu Naalakkersuisoqarfik
• Aalisarnermut Piniarnermullu Naalakkersuisoqarfik
• Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
• Atuisoqarnermut Unammilleqatigiinnermullu Aqutsisoqarfik
• Geological Survey of Denmark and Greenland
• Naatsorsueqqissaartarfik
• Ilisimatusarfimmi ph.d.-nngorniarfik
• Royal Greenland

Atorfinnik nittarsaassinermut siunertaavoq ilinniartut nunatsinnilu suliffeqarfiit akornanni attaveqatigiilersitsinissaq.