Oqaluttuarisaanermik nassuiaaqqinneq Kalaallit Nunaata Danmarkillu saammaateqatigiinnerannik immini kinguneqartitsinavianngilaq

Astrid Nonbo Andersen, ilisimatusartuuneq, DIIS & Inge Høst Seiding, Instituttip pisortaa, Ilisimatusarfik

Kalaallit Nunaata Skandinaviallu siornatigut maannalu saammaateqatigiinniarnikkut misilittagaat Kalaallit Nunaata Danmarkillu oqaluttuarisaanikkut atassuteqarnerat pillugu nassuiaanissamik suliniutissatut pilersaarutit sioqqullugit ilanngunnissaat pingaaruteqarpoq.

2022­mi aasaagaa Kalaallit Nunaanni Naalakkersuisut Danmarkimilu naalakkersuisut aalajangerput Kalaallit Nunaata Danmarkillu akornanni sorsunnersuup aappaata qaangiutereerneraniit ullumikkumut oqaluttu­ arisaanermik nassuiaaqqittoqassasoq. Ataatsimut nalunaarummit erserpoq nassuiaatissaq pilersaaru­ taasoq "siunissaq pillugu saammaateqatigiinnissamut tunngavissiissasoq".

Nassuiaasiornissamik aallarniineq pingaaruteqarpoq Kalaallillu Nunaata Danmarkillu paaseqatigiin­ nerulernissaannut qitiulersinnaalluni. Politikkikkulli eqqumaffigisariaqakkanik akornutissarpaaloqarpoq. Pingaarnerpaamik oqaluttuarisaanermik nassuiaaq­ qinneq saammaateqatigiinnissamik immini kinguneqartitsinavianngilaq nassuiaaniarluni suliniuteqarnerup malittarisaanik politikkikkut suliniuteqartoqanngippat.