Tusagassiorfinnut nalunaarut: Atuakkamik saqqummersitsineq

Meeqqat nipaat namminerlu Kalaallit Nunaminnik assilisaat / Børns stemmer og billeder af deres Grønland / Children's voices and pictures of their Greenland-ip saqqummersinneqarnera tusagassiarisinnaagatsigu tulluusimaarutigaarput.

Najugaqarfinni Illorsuarni, Uummannami, Sisimiuni Nuummilu inuiaqatigiinnersut ilinniartoqatigiit tunniusimasunit assit suliarineqarsimasut atuakkami katersorneqarsimapput. Assit atuakkamiittut 2016-2017-imi assinut tunngasunut workshoppertitsinerminngaanneerput inuusuttullu ullumikkut Issittumi peroriartortut assit paasisaqarfigilaarsinnaavaat. Peqatigiinneq, angerlarsimaffik, ikinngutigiinneq ullutsinnilu Inuit piorsarsimassusaat pillugit kalaallit inuusuttut isaannit assit oqaluttuarput.

Atuagaq suliniummit "Rockwell Kent and Early 20th Century Greenland"-imit aallarnerneqarlunilu US National Science Foundation-imit aningaasaliiffigineqarsimavoq - atuagarlu Ilisimatusarfimmi, Jette Rygaard, amma Binghamton University-mi, Susan Vanek, ilisimatuut Rochester Institute of Technology-lu peqatigalugit suliarineqarsimalluni.

Saqqummersitsineq Ilisimatusarfimmit aamma US National Science Foundation-imit aningaasalersorneqarpoq.

Suliniut tamakkerlugu ilisimatuut sisamaasimapput, Denis Defibaugh, Axel Jeremiassen - kiisalu Susan Vanek aamma Jette Rygaard uuminnga saqqummersitsinermik suliaqarsimasut.