Nationdannelse i det grønlandske klasseværelse

Steen Beck Ilinniartitsinermik Ilisimatusarfiup Pædagogikkimi Ilinniarnermilu Ineriartortitsiviani pisortaasoq kiisalu Ilinniartitseriaatsimi, Kulturit naapinneranni Allanngoriartornermilu instituttip masteritut ilinniarfiani aqutsisuusoq ”Nationdannelse i det grønlandske klasseværelse - et historisk og aktuelt perspektiv på uddannelse og undervisning”-imik qulequtalimmik internettikkut saqqummersitsisimavoq.

Saqqummersitami siunertarineqartoq pingaarneq tassaavoq maannakkut ilinniartitsinermik ilisimatusarnerit aamma pædagokikkimi ilinniartitseriaatsimilu sulisaatsini, Kalaallit Nunaanni tamakkiisumik ilinniartitaanermi aaqqissuussaanermut attuumassuteqartut saqqummiunneqarlutillu eqqartorneqarnissaat - meeqqat atuarfii inuusuttullu ilinniarfii pingaartumik tassani qitiutinneqarput.

Atuagassaq inuiaqatigiinnik kulturikkullu ajornartorsiutit qanoq issusaannik paasisitsillunilu ilinniartitsisunut ilinniartitseriaasiminnik atuarfinnilu avatangiisiminnik ineriartortitserusullutik isumassarsiortunut suliatigut ilitsersuisuuvoq. Atuagassaq taanna Kalaallit Nunaanni ilinniagaqarnermik paasinnikkusuttunut pitsanngorsaarusuttunullu atortussatsialaavoq.

Saqqummersitami tassani masteritut ilinniakkami sammisarineqartussat aamma sammineqarput, ilinniakkami tassani ilinniaqatigiit siulliit 2024-mi septembarimi aallartissapput.