Kommunefogedit sulinerminni atugarisaat pillugit misissueqqissaarneq

| 21. aggustip 2026

Nunatsinni kommunefogedit sulinerminni atugaannik misissueqqissaarnissamut Atlantikup avannaani puljemiit aningaasanik Folketingimit novembarimi 2023-mi immikkoortitsivoq. Misussueqqissaarnerup inerneri maanna saqqummiunneqarput.

Ilisimatusarfik, Kalaallit Nunaanni Politiit suliakkiisoralugit kommunefogedit sulinerminni atugaannik misissueqqisaarnermik suliaqarsimavoq. Misissueqqissaarnerullu inerneri maanna saqqummiunneqarput.

Kalaallit Nunaatai Politiivi Ilisimatusarfillu novembarimi 2024-mi kommunefogedit sulinerminni atugaannik misissueqqissaarnissaq pillugu isumaqatigiissuteqarput, tamannalu marsimi 2026-imi naammassineqarpoq, Folketingimut qinersisoqarnerali pissutigalugu saqqummersitsinissaq kinguartinneqarpoq.

Misissueqqissaarneq kommunefogedit sulinerminni atugaasa pitsanngorsarneqarnissaat pillugu arlalinnik innersuutinik imaqarpoq. Innersuussutit ilaatigut tassaapput kommunefogedit Kalaallit Nunaata Politiivini akuunerat nukittorsarneqarnissaat, kursuseqarnermut periarfissanik neqerooruteqarnerup annertusarneqarnissaa, Kalaallit Nunaata Politiivi iluanni kommunefogedit atuuffii pillugit ilisimasanik avitseqatigiinnerup annertusarneqarnissaa kiisalu kommunefogit siunissami aaqqissugaanera taavalu oqartussat allat suleqatiginerunissaat pillugu periusissiornissaq.

Suliniutip kommunefogedit ulluinnarni sulinerat taakkulu isumaat aallaavigalugit ingerlanneqarpoq. Suliniutip aamma kommunefogedit sulinerminni malitassaat taakkununngalu piumasaqaatit erseqqissarpai. Nuannaarutigaarput kommunefogederpassuit, politiitut sulisut inuiaqatigiillu, piumassuseqarlutik ilisimasatik misilittakkatillu,spørgeskemat apeqqarissaarnerillu atorlugit, uatsinnut avitseqatigisarmatigit. Neriuppugut misissuinerit inernerisa kommunefogedit pillugit ilisimasaat, misilittakkat aamma taakku pillugit isiginnittaatsit annerusumik qiutinneqalissasut. Taakkumi pisoqarfiusartuni politiitut sallerpaajullutik sulisarput, tassa najugaqarfiit annerit avataanni. Neriuppugut kommunefogedit aamma politiitut sulisut allat ilinniarnissamut sungiusarnissamullu innersuussutaat, aamma isumalluutit pisariaqartitat atortussallu eqqarsaatigalugit, taamattaarlu tapersersorneqarneq ataqatigiiaarnerlu ilumoorunneqarlutik tiguneqassasut.

Adjukti ph.d.-mik suliaqaatigisoq, Najaaraq Demant-Poort

Kommunefogedit sulinerminni atugaat pillugit misissueqqissaarneq tamaat uani atuarsinnaavat:

Nalunaarusiaq pingaarneq: Kalaallit Nunaanni Kommunefogedit 2025

Ilanngussaq 1: Kommunefogedit sulinerminni atugaannik misissueqqissaarnissaq (qallunaatut)

Ilanngussaq 2: Suleqatigiinnissamut isumaqatigiissut (qallunaatut)

Ilanngussaq 3: Nalunaarusiaq immikkoortoq A: Naalisaaneq aamma innersuussutit - apeqquteqaatit aallaavigalugu misissuineq

Ilanngussaq 4: Nalunaarusiaq immikkoortoq B: Aaqqissuussaanermi pissutsit (qallunaatut)

Ilanngussaq 5: Nalunaarusiaq immikkoortoq C: Apersuinerit aamma maluginiagakkat (qallunaatut)

Tusagassiortunut attaveqarnissaq e-mail: grl-presse@politi.dk imaluunniit oqarasuaat +299 279549.

Misissueqqissaarnermi periuseq il.il. pillugit apeqquteqaruit una attavigissavat Najaaraq Demant-Poort, suliniummik aqutsisoq, Ilisimatusarfik e-mail: nadp@uni.gl imaluunniit oqarasuaat: + 299 58 35 65.

Kingumukarpoq nalunaarsuutit - nutaarsiassat

Qupperneq ugguuna siammarteruk

FACEBOOK

LINKEDIN

Assiliuk - linki