Suliniummi Uppimmi alloriaatit nutaat campusimik alliliinissamut pilersaarutaasut piareertut

Suliniummik Uppimmik suliaqarneq - campus Ilimmarfimmik alliliinissaq - maanna pingaarutilimmik siuariarpoq.

Suliniutinut ingerlanneqartussanut sanaartornissamut pilersaarusiat maanna piareersimalerput, Ilisimatusarfiullu siunissami illuutimigut sinaakkutissaanik qanoq ineriartortitsisoqarnissaanut sammiviliipput.

Alliliinissaq arlalinnik pingaarnertut immikkoortortaqarpoq.

Qassi illuutitut nutaatut sananeqassaaq, tassanilu siunissami ingerlassassat pisariaqartinneqartullu inissaqartinneqalissapput. Inua aamma nutaatut illuliarineqassaaq, taanna illuutini atortorissaarutinik pioreersunik ilassuteqataassaaq. Ullumikkut illuutinik allanngorlugit sanaartoqqitassanut campusimullu suliniummut ataatsimut ilaasunut taaguut Qulleq atorneqarpoq.

Sanaartornissamut pilersaarusiat suliniutip toqqammaviattut atuuffeqarput.

Kissaatigineqartut, pisariaqartinneqartut piumasaqaatillu ataatsimoortippaat, pileriartornerlu tamakkerlugu aqqutissiuisutut atuuffeqassapput - titartarallakkanik siullerniit sanaartukkat naammassinissaat tikillugit.

Tamanna ilutigalugu tullinnguuttutut siunnersuisut suleqataasullu suliaminnik aallartitsippata suliamik ingerlasseqqinnissamut tunngavissiipput.

Allatut oqaatigalugu toqqavik piareerpoq - pappialaannakkuunngitsoq, aammattaarli Ilisimatusarfiup siunissaq eqqarsaatigalugu nukittorsarneqarneranut ineriartortitsinermut tunngatillugu.

Nittartakkatsinni sanaartornissamut pilersaarusiat aallugillu atuarsinnaavatit.