Ilisimatusarnermut tapiiffigineqarnissamut periarfissat nutaat: DFF Issittumut Naalagaaffeqatigiiffimmullu ammaassisoq

Danmarks Frie Forskningsfondip ilisimatusarnermi sammisat marluk Issittumut aamma Naalagaaffeqatigiinnermut tunngasut pillugit ukioq manna allagarsiusseqqammerpoq.

Ilisimatusartut ilinniartitsisullu suliniutinut nutaanut inuiaqatigiinnut annertuumik attuumassutilinnik - tamatumani nunani avannarlerni silap pissusianut, sillimaniarnermut inuiaqatigiinni pissutsit ersarissumik ukkatarineqartuni - suliniuteqarnerminni tapiiffigitinnissaannut allagarsiussat periarfissiipput.

Tapiiffigineqarnissamut periarfissat annertuut pineqarput, 5 mio. kr.-it tikillugit, overhead ilanngunnagit, qinnutigineqarsinnaapput.

Sammisakkuutaanut marlunnut qinnuteqarfissap killiga tassaavoq septembarip aappaat 2026.

Qinnuteqaasiunnginnermilu DFF-ip nalinginnaasumik sinaakkusiai eqqumaffigineqartariaqarput: Qinuteqartut tamarmik immikkut aningaasaateqarfiup tapiissuteqartarfiinut ataasiinnarmut ukiumut ataasiarlutik qinnuteqarsinnaapput, aningaasaateqarfimmiillu marlunnik arlarlinnilluunniit maannakkut atuuttunik tapiiffigineqareersimagaanni qinnuteqartoqarsinnaanngilaq.

Allagarsiussat taakkua marluk sammisatigut siammasipput. Issittoq pillugu ilisimatusarnerup ataani ilaatigut silap pissutiata allanngoriartorneranut, sillimaniarnermut politikkimut kiisalu Issittumi inuiaqatigiinni, kulturikkut oqaluttuarisaanikkullu ineriartornernut tunngasut ukkatarineqarput.

Naalagaaffeqatigiinneq pillugu ilisimatusarnerup ataani Kalaallit Nunaannut, Savalimmiunut Danmarkimullu tunngassuteqartut ajornartorsiutit ukkatarineqarput - tamatumunnga ilanngullugit apeqqutit assigiinngisitsinernut, assigiimmik pinninnermut, pisinnaatitaaffinnut kiisalu meeqqat inuusuttullu inuuniarnikkut ajornartorsiutilinnut tunngasut. Tassani sammiviliinerit nunanut allanut sillimaniarnermullu politikkimut tunngasut aamma ilanngunneqarsinnaapput.