Issittoq pillugu saqqumisumik saqquminngitsumillu pissaaneqarniunneq

Issittumi sikup aakkiartornerani qununarsinnaasoq alla aamma saqqumigaluttuinnarpoq.

Policy Brief-imi nutaami ima qulequtserneqarsimasumi "Risk of Influence Warfare in the Arctic: Lessons from Greenland", siunissami Issittumi aaqqiagiinngissutsit sakkut nalinginnaasut atorlugit akiuunneqarnissaat ilimanaateqarpallaanngitsoq Hans Peder Kirkegaardip erseqqissarpaa.

Tamatumali paarlattuanik annertusiartortumik sunniiniarnikkut, oqaluttuarnikkut digitalikkullu periuseqarnikkut pissaaneqarniunneq ingerlanneqarpoq, tassani isummanik pilersitsiniaasoqarlunilu inunnik avissaartuutitsiniaasoqarluni.

Misissueqqissaarinermi uani Kalaallit Nunaat ukkatarineqarpoq. Tassani - oqaluttuarisaanermi nalitsinnilu - nunami allamiut ingerlassallit politikkikkut akerleriissuteqarnerit kinaassutsinillu apeqqusiinerit atorlugit atituumik oqallinnerit nunarsuullu sinneranut attaveqarneq sunniivigisinnaavaat. Tamatumunnga sakkutuut qaartartulluunniit pisariaqartinneqaratik ilisimasat, piffissalersuinerit oqalliffiillu eqqortut atortarpaat.

Saqqummersitami pingaarutilittut qitiutinneqartoq erseqqippoq: Issittumi sakkulersorluni sorsuttoqarnissaa ilimanaateqarpallaanngilaq, kisianni influence warfare, tassa maluginiarneqarneruneq tusarnaarneqarnerumanerlu, atorlugit politikkikkut annertuumik sunniuteqarsinnaaneq ilimanaateqangaatsiarpoq.

Taamaammat Issittumi ullumikkut sillimaniarneq illersornissamut tunngassuteqaannanngilaq, aammattaarli suleqatigiinnermut, paasissutissiisarnermut avataaniillu sunnerneqariaannaannginnermut annertuumik tunngassuteqarluni.