Kalaallit oqaasii pillugit ilisimatusarneq Montréalimi soqutigineqaqisoq

Suleqatitta Therese Lind-Benhardtip ph.d.-nngorniarnerminut atatillugu upernaaq manna semesterimi Université de Montréalimi ilinniarpoq.

Tassanilu una pillugu saqqummiisimavoq Kalaallisut legal terminology: Understanding the work of language pioneers in Greenland today, ph.d.-nngorniutigalugu suliniutini nunanit tamalaaneersunut peqataasunut saqqummiussimavaa.

Saqqummiinermini inatsisilerinermi kalaallisut taaguusersuutiliorneq aamma nunatsinni taaguusersuutinik suliaqaqqaartut sulinerisa pingaaruteqassusaat Theresep ukkatarai.

Oqaasilerinermi ilisimatusaatit aamma inuiaqatigiinnit sammiviliinerit aallaavigalugit taaguusersuutiliorneq teknikkikkut atortussiaannaanngitsoq, aammattaarli inatsisitigut isumannaatsuunermut, ilisimasanik siammarterinermut kulturikkullu paasinninnermut pingaarutilittut atuuffeqarnera taassuma erseqqissarpaa.

Nukittuumik peqataanerup aamma tusarnaariat tunniusimanerisa ersersitaat tassaavoq kalaallit oqaasiisa aamma oqaatsit amerlanngitsunit oqaaserineqarnerisa unammillernartortaat periarfissaallu immikkut ittut nunanit tamalaanit soqutigineqarneruleraluttuinnarnerat.