Ilisimatusarfimmi ilinniarnerup aallartinnera

Kiisami septembarip aallaqqaataa aammaarluni nalliuppoq – Ilisimatusarfimmiit aasaq naallugu pissangalluta qilanaarisimasarput.

Ullormi una isumaqarpoq ilinniarnerit aallarteqqinneqarneri, ilinniartullu nutaat Ilisimatusarfimmut tikilluaqqussallugit qilanaarisimaqaarput. Saniatigullu ilinniartuutigeriikkagut misilittagaqarluartut aasaanerani atuanngiffeqareerlutik uternissaanut qilanaarsimavugut.

Ilisimatusarfiup ilinniarfiini tamaginni ilinnialertussanik amerlanernik ukioq manna akuersisimavugut, tamassilu paarlersuani, inini atuarfiusuni kantiinamilu takunissassinnut qilanaarpugut.

Semesterip aallartinnerani tikilluaqqusinnaavagut:

Inuussutissarsiornermi aningaasaqarnermut ilisimatusarneq (bacheloritut): Ilinniartut nutaat 15-it

Inatsisilerineq (bacheloritut): Ilinniartut nutaat 22-t

Inatsisilerineq (kandidatitut): Ilinniartut nutaat 22-t

Inuiaat kulturiat oqaluttuarisaanerallu (bacheloritut): Ilinniartut nutaat 15-it

Inuiaat kulturiat oqaluttuarisaanerallu (kandidatitut): Ilinniartut nutaat sisamat

Ilinniartitsisoq (bacheloritut): Ilinniartut nutaat 30-t

Nutserisoq oqalutsilu (bacheloritut): Ilinniartut nutaat 15-it

Inuiaqatigiilerineq (bacheloritut): Ilinniartut nutaat aqqaneq marluk: Qulit

Inuiaqatigiilerineq (kandidatitut): Ilinniartut nutaat aqqanillit: Aqqanillit

Isumaginninnermut siunnersorti (bacheloritut): Ilinniartut nutaat 23-t

Oqaasilerineq, atuakkialerineq tusagassiuutilerinerlu (bacheloritut): Ilinniartut nutaat 14-t

Oqaasilerineq, atuakkialerineq tusagassiuutilerinerlu (kandidatitut): Ilinniartoq nutaaq ataaseq

Peqqissaasoq (bacheloritut): Ilinniartut nutaat 16-t

Teologi (bacheloritut): Ilinniartut nutaat sisamat

Tamakkiisumik ilinnialertussat nutaat 203-inik amerlassusillit tikilluaqqussavagut! 🎓

Ilinniartut tamassi semesterimi matumani angusaqarluaqquatsigit Ilisimatusarfimmilu ilinniartuunermi ukioq ingerlavissaasoq pissanganartoq qilanaarutigalugu💙