Javier Arnaut Fulbright Scholar-in-Residence Fellowship-imit immikkuullarissumik tapiiffigineqartoq

Javier Arnaut Fulbright Danmark aqqutigalugu Fulbright Scholar-in-Residence Fellowship-imik (2026–2027) immikkuullarissumik tapiiffigineqarpoq.

2026-p naanerani 2027-milu upernaakkut Floridami Boca Raton-imi Javier Florida Atlantic University-miissaaq, tassani Kalaallit Nunaanni ilisimatusarnerminit misilittakkaminiillu ilisimasaminik avitseqatiginnissaaq.

Tikeraarnermini oqaloqatigiittarnerit siuarsarneqarnissaat USA-llu Kalaallit Nunaannit ilikkagarisinnaasaannik, paarlattuanillu, misilittakkanik misissuinerit aallutissavai.

Kalaallit Nunaanni ilisimatusarnermini suliarisimasaminit sammiviliinernik, pingaartumik Issittumi aningaasaqarnermut, piujuartitsinermik aqutsinermullu ilisimatusarnerup iluaneersunik, tapersiissaaq.

Javier Fulbright Scholar-in-Residence-tut inuussutissarsiornermi aningaasaqarnermut aamma inuiaqatigiit aningaasaqarnerannut ilisimatusarnermi fagini ilinniartitsissaaq. Taassuma periusaa Issittumi avatangiisit allanngoriartornerisa, aningaasaqarnikkut ineriartortitsinerup politikkillu sunniivigeqatigiinnerannik misissuisuullunilu periarfissanik unammilligassanillu naalagaaffinni piujuartitsinerup iluani ineriartornernut tunngasunik paasisaqartitsisarpoq.

Mexicomiutut ilisimatusartutut, Kalaallit Nunaanni najugalittut sulisutullu, nunarsuup kujataaniit avannaanut Issittumut sammiviliinerit ataqatigiitsilersinnaavai, taamaasillunilu tassunga atatillugu naalagaaffiit isiginiarneqarpiarneq ajortut akornanni oqaloqatigiinnermik pilersitsisinnaavoq.

Ataqatigiinnernit assigiinngitsunit taakkunannga misilittakkat ataqatigiissilerneratigut silap pissusiata allanngoriartornerata, ingerlatsinermi periusissiat aamma aningaasaqarneq asuliinnartitsinertaqanngitsup akornanni pissutsit nutaamik eqqarsaatigineqarnissaannut siuarsaaqataassaaq, taamaasillunilu sumiiffinni ilimaginngisani nutaaliortumik periusiunerit pisinnaasut naalagaaffinnilu siaruarsinnaasut takutissavai.