Ilisimatusarneq pillugu isumasioqatigiinneq: Angerlarsimaffeqanngitsuuneq pillugu ilisimatusarneq

Matumuuna angerlarsimaffeqanngitsuunerup ilisimatusarfigineranik pissanganartumik saqqummiinertaqartumik, sooq ilisimatusarfigineripput taavalu atugarissaarnerulernissap tungaanut qanoq iluaqutaasinnaanera pillugu saniatigullu apeqqutinut nutaanut isumasioqatigiinnissaamut aggersarpatsigit.

Ilisimatusarfiup Issittumi Atugarissaarneq pillugu Ilisimatusarfiani atugarissaarnerup immikkoortortaqarfimmiit innuttaasunut iluaqutaasinnaasunik ilisimasanik nutaanik inerisaanissamut pisussaaffeqarpugut. Ilisimasat inerisarsimasagut atorluarneqartarnissaat taavalu ilisimatusarnermi inernerit atulerneqarnissaat anguniagarisarparput, illoqarfimmiunut nunatsinnilu innuttaasunut tamanut allannguutaasumik iluaqutaasinnaammat.

Matumuuna saqqummiinerit pissanganartut, angerlarsimaffeqanngitsuunerup ilisimatusarfiginera, ilisimasaqalersitsineq, ilisimatusarnerup qanoq isiginnilersitsisinnaanera taavalu ilisimatusarnerup naammassinerani apeqqutit suut saqqummernersut eqqartorneqarnissaannut aggersarpatsigit. Ilisimasat siunissami qanoq pinaveersaartitseqataasinnaappat.

Saqqummiisussat ilagissavaat Steven Arnfjord, professori taavalu Center for Arktisk Velfærd-imi aqutsisoq, Kevin Perry, lektori, ilisimatusartoq taavalu inunnik isumaginninnermi siunnersorti ukiuni amerlasuunik aqquserngit aaqqissuussaanerannik ilisimatusarnermi misilittagarluartoq. Dida Heilmann, Center for Arktisk Velfærd-imi ph.d.-inngorniaq.

Ilisimatusarnermut atatillugu isumasioqatigiittoqareerpat ilasseqatiginnittoqassaaq.

Programmi

• 14.00: Tikilluaqqusineq: Charlothe Mørkhøj, immikkoortortami Socialt Arbejde aqutsisoq.

• 14.05: Angerlarsimaffeqanngitsuunerup ineriartornera taavalu ilisimatusarnerup soqutigineqassusaa, Steven Arnfjord, professori, Ilisimatusarfik

• 14.45: Kaffepause

• 15.00: Angerlarsimaffeqanngitsuunerup pinaveersaartinnissaanut aqquserngit aaqqissuussaanerata qitiusumik inisisimanera, Kevin Perry, lektori taavalu inunnik isumaginninnermut siunnersorti, Ilisimatusarfik

• 15.45: Kaffepause

• 16.00: Inuiaqatigiit atugaat pillugit takusassiaralugu taavalu inuttut atukkatigut qajannassuseq, Dida Heilmann, ph.d.-inngorniaq

• 16.30: Ilisimatusarnerup inerneri taavalu apeqqutit nutaat, Nannga Kleist-Johansen, Sofie Thomassen, Steven Arnfjord & Kevin Perry

• 16.50: Isumasioqatigiinnerup naammassinera

• 16.55: Ilasseqatigiinneq