Aningaasaqarnermut Siunnersuisoqatigiit 2026-mi ukiaanerani nalunaarusiaata saqqummiunneqarnissaa

Matumuuna nuannaarutigisatsinnik Aningaasaqarnermut Siunnersuisoqatigiit 2026-mi ukiaanerani nalunaarusiaata saqqummiunneqarnissaannut soqutiginnittut tamaasa aggersarpavut.

Aningaasaqarnermut Siunnersuisoqatigiit siulittaasuat, Torben M. Andersen, siulittaasoqatigiillu ukiaanerani nalunaarusiaq saqqummiutissavaat.

Ukiaanerani nalunaarusiami inernerit pingaarnerit, tamatumani aningaasaqarnermi inissisimaffik, pisortatigut aningaasaqarnermik attassisinnaassuseq kiisalu pisortatigut aningaasaqarnermik ingerlatsineq saqqummiussinermi qitiutinneqassapput.

Nunatsinni aningaasaqarnikkut inissisimaffik pillugu tusarnaariarit, inuiaqatigiillu sumut ingerlaarnersut pillugit ukiaanerani oqallinnissanut pingaarutilinnullu piareersimalerlutit.